ബെനോലിം: സന്തോഷ് ട്രോഫി ഫുട്ബാളില് കേരളത്തിന് രണ്ടാം ജയം. ഗ്രൂപ്പ് എയിലെ രണ്ടാം മത്സരത്തില് കേരളം ജമ്മു കശ്മീരിനെ ഒന്നിനെതിരേ ആറു ഗോളുകള്ക്കാണ് പരാജയപ്പെടുത്തിയത്.
ജിതിന് രണ്ട് ഗോള് നേടിയപ്പോള് സജീഷ്, മുഹമ്മദ് ആഷിഖ്, അബ്ദു റഹീം, റിസ്വാന് അലി എന്നിവരും ഗോള് നേടി.
എട്ടാം മിനിറ്റില് തന്നെ കേരളം ആദ്യ ഗോള് നേടി. ജിതിനാണ് വലകുലുക്കിയത്. 13-ാം മിനിറ്റില് സജീഷ് ഹെഡ്ഡറിലൂടെ രണ്ടാം ഗോള് നേടി.
ആദ്യ പകുതിയുടെ ഇഞ്ച്വറി ടൈമില് മുഹമ്മദ് ആഷിഖിലൂടെ കേരളം മൂന്നാം ഗോള് നേടി. 54-ാം മിനിറ്റില് ജിതിന് വീണ്ടും ഗോളടിച്ചപ്പോള് ലീഡ് നാലായി. ഫൈസലിലൂടെ 60-ാം മിനിറ്റില് ജമ്മു കശ്മീര് ആശ്വാസ ഗോള് നേടി. കേരളത്തിന് വേണ്ടി 66-ാം മിനിറ്റില് അബ്ദു റഹീം അഞ്ചാം ഗോളടിച്ചു. 75-ാം മിനിറ്റില് റിസ്വാന് അലി കേരളത്തിനായി ആറാം ഗോള് നേടി.
ആദ്യ മത്സരത്തില് കേരളം എതിരില്ലാത്ത മൂന്ന് ഗോളുകള്ക്ക് ഗുജറാത്തിനെ തകര്ത്തിരുന്നു.
