തിരുവനന്തപുരം: കേന്ദ്ര നൈപുണ്യ വികസന, സംരംഭകത്വ മന്ത്രാലയത്തിനു കീഴിലുള്ള തിരുവനന്തപുരം കഴക്കൂട്ടം വനിതകള്ക്കായുള്ള ദേശീയ നൈപുണ്യ പരിശീലന ഇന്സ്റ്റിറ്റിയൂട്ടിന്റെ രണ്ടാം ബിരുദദാന ചടങ്ങ്/ കൗശല് ദീക്ഷന്ത് സമാരോഹ് നാളെ രണ്ടു മണിക്ക് നടക്കും. ഇന്സ്റ്റിറ്റിയൂട്ടിന്റെ ക്യാംപസ് ഓഡിറ്റോറിയത്തില് വച്ച് നടക്കുന്ന ചടങ്ങില് സിഎസ്ഐആര് ഡയറക്ടര് ഡോ. സി അനന്തരാമകൃഷ്ണന് മുഖ്യാതിഥിയായി പങ്കെടുക്കും.
ഇന്സ്റ്റിറ്റിയൂട്ടില് ക്രാഫ്റ്റ്സ്മാന് ട്രെയിനിംഗ് സ്കീം, ക്രാഫ്റ്റ് ഇന്സ്ട്രക്ടര് ട്രെയിനിംഗ് സ്കീം എന്നീ പരിശീലനങ്ങള് പൂര്ത്തിയാക്കിയവര്ക്കായുള്ള ബിരുദദാന ചടങ്ങാണ് ഇത്. പരിശീലനം പൂര്ത്തിയാക്കിവര്ക്കുള്ള സര്ട്ടിഫിക്കറ്റ്, മൊമന്റോ വിതരണം മുഖ്യാതിഥി നിര്വഹിക്കും. തിരുവനന്തപുരം നഗരസഭാ കൗണ്സിലറും ഇന്സ്റ്റിറ്റിയൂട്ടിലെ പൂര്വ വിദ്യാര്ഥിനിയുമായ എല്.എസ്. കവിതയും പരിപാടിയില് പങ്കെടുക്കും.
