തൃശൂർ: പന്നിത്തടത്ത് ആക്രക്കടയിൽ വൻ തീപിടിത്തം. കുന്നംകുളം-വടക്കാഞ്ചേരി റോഡിന് സമീപത്തായുള്ള ആക്രിക്കടയുടെ ഗോഡൗണിലാണ് തീപിടിത്തം ഉണ്ടായത്. സംഭവത്തിൽ ആർക്കും പരിക്കേറ്റിട്ടില്ലെന്നാണ് വിവരം.
ചൊവ്വാഴ്ച രാത്രിയാണ് സംഭവം. തീപടർന്ന് പിടിക്കുന്നത് കണ്ട് ജീവനക്കാർ തന്നെയാണ് അഗ്നിരക്ഷാ സേനയെ വിവരം അറിയിക്കുന്നത്. നാല് യൂണിറ്റ് അഗ്നിരക്ഷാ സേന സംഭവ സ്ഥലത്തെത്തിയാണ് തീ നിയന്ത്രണ വിധേയമാക്കിയത്. പത്രങ്ങളും, കാർഡ്ബോർഡുകളും മറ്റ് ആക്രി സാധനങ്ങളും ഉൾപ്പെടെ ഇവിടെ ശേഖരിച്ചു വെച്ചിരുന്നു.
