തിരുവനന്തപുരം:നാവായിക്കുളം- വിഴിഞ്ഞം ഔട്ടര് റിംഗ് റോഡിന് ഭൂമി വിട്ടു നല്കിയവര് സമരത്തില്. തിരുവനന്തപുരം വള്ളപ്പിലെ ദേശീയ പാത അതോറിറ്റിയുടെ താല്ക്കാലിക ഓഫീസില് ജനകീയ സമിതി ഉപരോധം നടത്തി
പദ്ധതിക്കായി ഏറ്റെടുക്കുന്ന ഭൂമിയുടെ പട്ടയം ഉള്പ്പെടെ രേഖകള് കൈമാറി മാസങ്ങള് കഴിഞ്ഞിട്ടും നഷ്ടപരിഹാരം ലഭിക്കാത്ത സാഹചര്യത്തിലാണ്
ജനകീയ സമിതി രൂപീകരിച്ച് പ്രതിഷേധം ആരംഭിച്ചത്. ജനവാസകേന്ദ്രത്തിലും പുറത്തുമായി 348 ഹെക്ടര് ഭൂമിയാണ് റിംഗ് റോഡിന് വേണ്ടത്.
പദ്ധതിയുടെ കരാറും എങ്ങുമെത്തിയിട്ടില്ല. നഷ്ടപരിഹാരം സംബന്ധിച്ച് കേന്ദ്ര-സംസ്ഥാന സര്ക്കാരുകള് തമ്മിലുള്ള തര്ക്കമാണ് കാലതാമസത്തിന് കാരണെന്നാണ് സൂചന.
കിടപ്പാടത്തിനായും മക്കളുടെ കല്യാണം നടത്താനും അധികാരികള്ക്ക് മുന്നില് കയറി ഇറങ്ങുകയാണ് ഭൂമി വിട്ടു നല്കിയവര്. സ്ഥലമേറ്റെടുപ്പ് കാരണം വീടുവിട്ടിറങ്ങിയവരും, മറ്റൊരിടത്ത് താമസിക്കാന് മുന്കൂര് തുക നല്കി കാത്തിരിക്കുന്നവരും ഉണ്ട്.
