ലഖ്നൗ : ഹമാസ് ഭീകരരോട് ഐക്യദാര്ഢ്യം പ്രകടിപ്പിച്ച് അലിഗഡ് മുസ്ലിം സര്വകലാശാലയിലെ വിദ്യാര്ത്ഥികളുടെ പ്രകടനം. ഇസ്രായേലില് ഹമാസ് നടത്തിയ അധിനിവേശത്തെ അനുകൂലിച്ചും ഇസ്രായേലിനെ എതിര്ത്തുമാണ് ഒരു വിഭാഗംവിദ്യാര്ത്ഥികള് ക്യാമ്പസില് പ്ലക്കാര്ഡുകളേന്തിയും അള്ളാഹു അക്ബര് വിളിച്ചും പ്രകടനം നടത്തിയത്.
അലിഗഡ് മുസ്ലിം സര്വകലാശാല പാലസ്തീനിനൊപ്പം നില്ക്കുന്നു, സ്വതന്ത്ര പാലസ്തീന്, ഈ ഭൂമി പാലസ്തീനാണ്, ഇസ്രായേലല്ല’ തുടങ്ങിയ മുദ്രാവാക്യങ്ങളും പ്രകടനത്തില് ഉയര്ന്നു. ഭാരതത്തിന്റെ താല്പ്പര്യങ്ങള്ക്ക് വിരുദ്ധമായി അലിഗഡ് മുസ്ലിം സര്വകലാശാലയിലെ വിദ്യാര്ത്ഥികള് പരസ്യ പ്രതികരണങ്ങള് നടത്തി രംഗത്തുവരുന്നത് ഇതാദ്യമല്ല.
ഹമാസിനെ പിന്തുണച്ച് സിപിഎം ജനറല് സെക്രട്ടറി സീതാറാം യെച്ചൂരിയും പിബി അംഗം എം.എ. ബേബിയും നടത്തിയ പ്രസ്താവനകളാണ് ഒരു വിഭാഗം വിദ്യാര്ത്ഥികള്ക്ക് പ്രചോദനമായത്. ഹൈന്ദവ സമൂഹത്തെ ചുട്ട് കൊന്ന് കുഴിച്ചുമൂടണം എന്ന മുദ്രാവാക്യം മുഴങ്ങിയ അതേ ക്യാമ്പസില് തന്നെയാണ് ഹമാസിനെ അനുകൂലിച്ചുള്ള പ്രകടനവും.
