ഹാങ്ചൊ: ചൈനീസ് തായ്പേയ് വനിതാ താരം ഗു ഷിയു ഷ്വാങ് നേടിയ സ്വര്ണ നേട്ടത്തോടെ 19-ാം ഏഷ്യന് ഗെയിംസിലെ മത്സരങ്ങള് പൂര്ത്തിയായി. വനിതകളുടെ 50 കിലോ കരാട്ടെയില് കസാഖ്സ്ഥാന് താരം മോള്ഡില് ഷാങ്ബിര്ബേ ഇതേ മത്സരത്തില് പരാജയപ്പെട്ട് വെള്ളി സ്വന്തമാക്കി. 26 കാരിയായ ഗു ഷിയു സ്വന്തമാക്കിയ സ്വര്ണത്തോടെ ചൈനീസ് തായ്പേയുടെ സ്വര്ണ നേട്ടം 19 ആണ്.
കരാട്ടെയിലും ആര്ട്ടിസ്റ്റിക് നീന്തലിലും അടക്കം മൂന്ന് ഫൈനലുകളാണ് ഗെയിംസിന്റെ അവസാന ദിവസമായ ഇന്നലെ അവശേഷിച്ചിരുന്നത്. ഇതില് ഒന്ന് ചൈനീസ് തായ്പേയ് സ്വന്തമാക്കിയപ്പോള് മറ്റ് രണ്ടെണ്ണം ചൈനയും ജപ്പാനും ഓരോന്നു വീതം നേടി. ഒടുവിലത്തെ മെഡല് പട്ടികയില് ചൈനീസ് മെഡല് നേട്ടം 201 ആയി ഉയര്ന്നു.
