കൊച്ചി : ലക്ഷദ്വീപ് എംപി മുഹമ്മദ് ഫൈസലിന് വീണ്ടും അയോഗ്യത. മുന് കേന്ദ്രമന്ത്രി പി.എം.സെയ്ദിന്റെ മരുമകന് മുഹമ്മദ് സാലിഹിനെ കൊലപ്പെടുത്താന് ശ്രമിച്ചെന്ന കേസില് കുറ്റക്കാരനാണെന്ന് കണ്ടെത്തിയ ഉത്തരവ് സ്റ്റേ ചെയ്യണമെന്ന മുഹമ്മദ് ഫൈസലിന്റെ ആവശ്യം ഹൈക്കോടതി തള്ളിയ പശ്ചാത്തലത്തിലാണിത്.
കേസില് ശിക്ഷിക്കപ്പെട്ട ജനുവരി 11 മുതല് മുഹമ്മദ് ഫൈസലിനെ അയോഗ്യനാക്കിയെന്ന് ലോക്സഭാ സെക്രട്ടേറിയറ്റ് ഉത്തരവിറക്കി .
മുഹമ്മദ് ഫൈസലിനെതിരെ കേസില് പ്രഥമദൃഷ്ട്യ തെളിവുകള് ഉണ്ടെന്ന് കണ്ടാണ് ഹൈക്കോടതി നടപടി. കുറ്റക്കാരനാണെന്ന ഉത്തരവ് സ്റ്റേ ചെയ്യണമെന്നും ശിക്ഷ നടപ്പാക്കുന്നത് മരവിപ്പിക്കണമെന്നുമായിരുന്നു ഫൈസല് ആവശ്യപ്പെട്ടത്. കേസില് കവരത്തി സെഷന്സ് കോടതി വിധിച്ച പത്തുവര്ഷം തടവുശിക്ഷ നടപ്പാക്കുന്നതു ഹൈക്കോടതി മരവിപ്പിച്ചിരുന്നു. എന്നാല് കുറ്റക്കാരനാണെന്നു കണ്ടെത്തിയ ഉത്തരവ് സ്റ്റേ ചെയ്യാന് തയാറായില്ല.
2009ലെ പൊതുതിരഞ്ഞെടുപ്പുമായി ബന്ധപ്പെട്ട് നടന്ന സംഘര്ഷത്തില് കോണ്ഗ്രസ് പ്രവര്ത്തകന് മുഹമ്മദ് സാലിഹിനെ ആക്രമിച്ച കേസിലാണ് ഫൈസലും മറ്റു മൂന്നു പ്രതികളും കുറ്റക്കാരാണെന്ന് വിചാരണ കോടതി കണ്ടെത്തിയത്.
