ന്യൂദല്ഹി: ആരോഗ്യമന്ത്രി വീണാ ജോര്ജിന്റെ ഓഫീസിന് നേരെ ഇയര്ന്നത് ഗുരുതരമായ അഴിമതി ആരോപണമെന്ന് കേന്ദ്രമന്ത്രി വി. മുരളീധരന്. മന്ത്രിസ്ഥാനത്ത് നിന്ന് മാറി നിന്ന് അന്വേഷണത്തെ നേരിടാനുള്ള രാഷ്ട്രീയമര്യാദ വീണാജോര്ജ് കാണിക്കണമെന്നും വി. മുരളീധരന് അഭിപ്രായപ്പെട്ടു. മാധ്യമപ്രവര്ത്തനകാലത്ത് ചോദ്യമായി ഉയര്ത്തിയ ധാര്മികതയെല്ലാം മന്ത്രി മറന്നോ എന്നും കേന്ദ്രമന്ത്രി ചോദിച്ചു.
ആരോപണവിധേയനെ ന്യായീകരിക്കുകയാണ് മന്ത്രി ആദ്യം മുതലേ ചെയ്യുന്നത്. പരാതിക്കാരന് ജോലിക്ക് പണം നല്കിയെന്ന് ആവര്ത്തിച്ച് പറയുമ്പോഴും ന്യായീകരണം തുടരുകയാണ്. സംരക്ഷണം നല്കിയില്ലെങ്കില് കൂടുതല് അഴിമതി മറനീക്കുമെന്ന ഭയമാണോ മന്ത്രിക്കും കൂട്ടര്ക്കുമെന്നും വി. മുരളീധരന് ചോദിച്ചു.
പിണറായി വിജയന് സര്ക്കാര് സര്വത്ര അഴിമതിയില് മുങ്ങിയിരിക്കുകയാണ്. കൊവിഡ് കാലം മുതല് ആരോഗ്യവകുപ്പ് അഴിമതിയുടെ നിഴലിലാണ്. എല്ലാ പരാതിയും പാര്ട്ടി അന്വേഷിക്കുമെന്ന ലൈനിലാണ് കാര്യങ്ങള് എങ്കില് അംഗീകരിക്കാനാകില്ല. പാര്ട്ടി അന്വേഷണം നടത്തി പിന്നെ പോലീസ് രംഗപ്രവേശനം നടത്തുന്ന രീതിയാണ് ഈ പരാതിയിലും കാണാന് പോകുന്നതെന്നും മന്ത്രി ദല്ഹിയില് മാധ്യമങ്ങളോട് പറഞ്ഞു.
ഗവര്ണറുടെ നിലപാട് അഴിമതിക്കെതിരെ
നിയമസഭ പാസാക്കിയ ബില്ലുകള് ഗവര്ണര് പിടിച്ചുവെക്കുന്നുവെന്ന മുഖ്യമന്ത്രിയുടെ ആരോപണത്തിനെതിര രൂക്ഷവിമര്ശനവുമായി കേന്ദ്രമന്ത്രി വി. മുരളീധരന്. ഏതെല്ലാം ബില്ലുകളാണ് ഗവര്ണര് തടഞ്ഞുവച്ചതെന്ന് പിണറായി വിശദീകരിക്കണമെന്ന് വി. മുരളീധരന് ആവശ്യപ്പെട്ടു.
ലോകായുക്തയുടെ അധികാരം വെട്ടിക്കുറയ്ക്കുന്ന ബില്, സര്വകലാശാലയുടെ അധികാരങ്ങളില് കൈകടത്തുന്ന ബില് ഇങ്ങനെയുള്ള ബില്ലുകളില് ഒപ്പുവയ്ക്കാത്തത് ഗവര്ണറുടെ നിലപാടാണ്. നിയമസഭയില് സഹകരാണാത്മക പ്രതിക്ഷത്തെ കൂട്ടുപിടിച്ച് ബില് പാസാക്കിയെടുക്കാന് എളുപ്പമാണ്.
എന്നാല് ഗവര്ണര് അഴിമതി ഭരണത്തോട് സഹകരണാത്മക നിലപാടുള്ളയാളല്ലെന്നും വി. മുരളീധരന് പറഞ്ഞു. ബില്ലുകള് രാഷ്ട്രപതിയുടെ ഉപദേശത്തിന് വിടുന്നത് ഭരണഘടനാപരമായി ഗവര്ണറുടെ അധികാരമാണെന്നും വി. മുരളീധരന് കൂട്ടിച്ചേര്ത്തു.
