കായംകുളം: യാത്രക്കാരന്‍ ശുചിമുറിയില്‍ കുടുങ്ങിയതിനെ തുടര്‍ന്ന് പരശുരാം എക്സ്പ്രസ് വൈകി. കായംകുളം സ്റ്റേഷനില് ഇന്ന് രാവിലെ എട്ടരയോടെയായിരുന്നു സംഭവം.
തിരുവനന്തപുരം സ്വദേശി കുമാറാണ് (64) സ്ലീപ്പര്‍ ക്ലാസിന്റെ ശുചിമുറിയില്‍ കുടുങ്ങിയത്. മദ്യലഹരിയില്‍ ശുചിമുറിയില്‍ കയറിയ യാത്രക്കാരന്റെ ബോധം പോയതാണ്. കാരണം.അകത്ത് കയറിയ ഇയാളെ കാണാതിരുന്നതിനെ തുടര്‍ന്ന് സഹയാത്രികര്‍ അധികൃതരെ വിവരം അറിയിക്കുകയായിരുന്നു.
ഇതിനെത്തുടര്‍ന്ന് കായംകുളം സ്റ്റേഷനില് ട്രെയിന്‍ പിടിച്ചിട്ടു. സ്റ്റേഷന്‍മാസ്റ്ററുടെ സാന്നിധ്യത്തില്‍ റെയില്‍വേ പോലീസും ചുമട്ടുതൊഴിലാളികളും ചേര്‍ന്ന് ശുചിമുറി തകര്‍ത്ത് പുറത്തെടുക്കുകയായിരുന്നു. ബോധം കെട്ട നിലയിലായിരുന്നു കുമാര്‍. ഉടന്‍ തന്നെ കായംകുളം ഗവണ്‍മെന്റ് ആശുപത്രിയിലെത്തിച്ചു. തുടര്‍ പരിശോധനയിലാണ് ഇയാള്‍ മദ്യലഹരിയിലായിരുന്നെന്ന് തെളിഞ്ഞത്.
ഇതുകാരണം ഇരുപത് മിനിറ്റോളം വൈകിയാണ് ട്രെയിന്‍ യാത്ര തുടര്‍ന്നത്.
