ശ്രീനഗര്: ജമ്മു കശ്മീരിലെ അനന്ത്നാഗ് സെക്ടറിലുണ്ടായ ഏറ്റുമുട്ടലില് മൂന്ന് സൈനികര്ക്ക് വീരമൃത്യു. 19 രാഷ്ട്രീയ റൈഫിള്സ് യൂണിറ്റിലെ കമാന്റിംഗ് ഓഫീസർ കേണൽ മൻപ്രീത് സിംഗ്, മേജർ ആഷിഷ് ധോഞ്ചക്, ജമ്മു കശ്മീർ പോലീസ് ഡെപ്യൂട്ടി സൂപ്രണ്ട് ഹുമയൂൺ ഭട്ട് എന്നിവരാണ് ഏറ്റുമുട്ടലിൽ വീരമൃത്യു വരിച്ചത്.
കഴിഞ്ഞ രണ്ട് ദിവസമായി രജൗരിയില് ഭീകരരുമായി ഏറ്റുമുട്ടല് നടത്തുകയാണ് സുരക്ഷാ സേന. ഇന്ന് രാവിലെ ഭീകരരില് ഒരാളെ വധിക്കാന് സേനയ്ക്ക് കഴിഞ്ഞിരുന്നു. ഇന്നലെ സൈനികന് വീരമൃത്യു വരിക്കുകയും മൂന്ന് ജവാന്മാര്ക്ക് പരിക്കേല്ക്കുകയും ചെയ്തിരുന്നു. ഏറ്റമുട്ടലിനിടെ ആര്മി ഡോഗ് സ്ക്വാഡിലെ നായ കെന്റിനും ജീവന് നഷ്ടമായിരുന്നു. ഒരു ഭീകരനെ വധിക്കാനും സേനയ്ക്കായി.
