കൊളംബോ: ഏഷ്യാ കപ്പില് പാകിസ്താനെ തകര്ത്തെറിഞ്ഞ ഇന്ത്യയെ അഭിനന്ദിച്ച് അഫ്ഗാനിസ്ഥാന് സോഷ്യല് മീഡിയ ഇന്ഫ്ലുവന്സര് വസ്മ അയൂബി. ഏഷ്യാ കപ്പ് സൂപ്പര് ഫോറിലെത്താതെ അഫ്ഗാനിസ്ഥാന് പുറത്തായതോടെ ഇന്ത്യയെയാണ് ഇനി പിന്തുണയ്ക്കുന്നതെന്നും വസ്മ പറഞ്ഞു. ഇന്ത്യന് ജഴ്സി ധരിച്ചു നില്ക്കുന്ന ചിത്രവും അവര് സമൂഹമാധ്യമത്തില് പങ്കുവച്ചിട്ടുണ്ട്.
‘അഭിനന്ദനങ്ങള് ഭാരത്’ എന്നാണ് ചിത്രത്തോടൊപ്പം കുറിച്ചിരിക്കുന്നത്. പാകിസ്താനെതിരെ അഞ്ച് വിക്കറ്റ് നേടിയ കുല്ദീപ് യാദവിനെയും വസ്മ അഭിനന്ദിച്ചു. അഫ്ഗാനിസ്ഥാന് സ്വദേശിയായ വസ്മ യുഎഇയിലാണു താമസിക്കുന്നത്. ഏഷ്യാ കപ്പ് സൂപ്പര് ഫോര് മത്സരത്തില് പാക്കിസ്ഥാനെതിരെ ഇന്ത്യ 228 റണ്സിന്റെ കൂറ്റന് വിജയമാണ് സ്വന്തമാക്കിയത്.
