സംവിധായകൻ ലോകേഷ് കനകരാജിന്റെ രജനികാന്ത് ചിത്രം തലൈവര് 171 പ്രഖ്യാപന പോസ്റ്റര് ചോരയുടെ പശ്ചാത്തലത്തിലാണ്. ലോകേഷ് കനകരാജിന്റെ വിക്രം, ലിയോ തുടങ്ങിയ ചിത്രങ്ങളുടെ ഴോണറിലായിരിക്കും തലൈവര് 171ഉം എന്ന് ആരാധകര് കണക്കുകൂട്ടുന്നു. എപ്പോഴായിരിക്കും ചിത്രീകരണം ആരംഭിക്കുകയെന്ന് വെളിപ്പെടുത്തിയിട്ടില്ല. സണ് പിക്ചേഴ്സ് ലോകേഷ് കനകരാജ് ചിത്രം നിര്മിക്കുമ്പോള് ആക്ഷൻ അൻപറിവും തലൈവര് 171ന്റെ സംഗീതം അനിരുദ്ധ രവിചന്ദറുമായിരിക്കും.
‘ജയ് ഭീം’ എന്ന സൂര്യ ചിത്രത്തിന്റെ സംവിധായകൻ ജ്ഞാനവേല് രജനികാന്തിനെ നായകനാക്കി ഒരു പ്രൊജക്റ്റ് ഒരുക്കുന്നുവെന്ന വാര്ത്ത വലിയ ശ്രദ്ധയാകര്ഷിച്ചതാണ്. ‘തലൈവര് 170’ എന്നാണ് രജനികാന്ത് ചിത്രത്തിന് താല്ക്കാലികമായി പേരിട്ടിരിക്കുന്നത്. വ്യാജ ഏറ്റുമുട്ടലുകള്ക്ക് എതിരെ വിരമിച്ച പൊലീസ് ഉദ്യോഗസ്ഥൻ നടത്തുന്ന പോരാട്ടമാണ് ‘തലൈവര് 170’ന്റെ പ്രമേയമെന്നും റിപ്പോര്ട്ടുകള് സൂചിപ്പിക്കുന്നു. സംഗീതം അനിരുദ്ധ് രവിചന്ദര് ആണ്.’തലൈവര് 170’ലേക്ക് പല താരങ്ങളെയും പറഞ്ഞു കേള്ക്കുന്നുണ്ട്. ഫഹദും മഞ്ജു വാര്യരുമൊക്കെ രജനികാന്ത് ചിത്രത്തില് പ്രധാന വേഷത്തില് ഉണ്ടാകുമെന്നാണ് റിപ്പോര്ട്ട്. ഇക്കാര്യത്തില് സ്ഥിരീകരണമായിട്ടില്ല.
https://www.facebook.com/LokeshKanagarajOff/posts/825428605909246?ref=embed_post
ജയിലറിന്റെ വിജയത്തിളക്കത്തിലാണ് ഇപ്പോള് രജനികാന്ത്. രാജ്യമെങ്ങും ആവേശം വിതറി 600 കോടിയില് അധികം ജയിലര് നേടിയിരുന്നു. ശിവ രാജ്കുമാര്, മോഹൻലാല് തുടങ്ങിയ താരങ്ങളും ജയിലറിന്റെ ആകര്ഷണമായി. ജയിലറില് പ്രവര്ത്തിച്ച 300 പേര്ക്ക് ചിത്രത്തിന്റെ നിര്മാതാവ് കലാനിധി മാരൻ സ്വര്ണ നാണയങ്ങള് സമ്മാനമായി ഇന്നലെ വിതരണം ചെയ്തിരുന്നു.
