ഗതാഗത യാത്രയിൽ ഇനി മുതൽ പണം കൈയിൽ കരുതേണ്ട. രാജ്യത്ത് യാത്രയ്ക്കായി ഒരേയൊരു കാർഡ് ഇറങ്ങുകയാണ്. റുപേ നാഷണൽ കോമൺ മൊബിലിറ്റി കാർഡ് എന്നിവയുടെ സംയുക്ത പിന്തുണയോടെ രാജ്യത്തെ ആദ്യ ‘ട്രാൻസിറ്റ് കാർഡ്’ എസ്ബിഐ പുറത്തിറക്കി. റോഡ്, റെയിൽ, ജലം എന്നിവയിലേത് മാർഗം വഴി യാത്ര ചെയ്താലും ഈ കാർഡ് ഉപയോഗിക്കാവുന്നതാണ്.
‘ഒരു രാജ്യം, ഒരു കാർഡ്’എന്ന ലക്ഷ്യത്തോടെയാണ് പുതിയ കാർഡ് അവതരിപ്പിക്കുന്നതെന്ന് എസ്ബിഐ ചെയർമാൻ ദിനേഷ് കുമാർ ഖാര പറഞ്ഞു. 2019 മുതൽ എൻസിഎംസിയുമായി ചേർന്ന് സിറ്റി വൺ കാർഡ്, നാഗ്പൂർ മെട്രോ മഹാ കാർഡ്, മുംബൈ വൺ കാർഡ്. ഗോ സ്മാർട്ട് കാർഡ്, സിംഗാര ചെന്നൈ കാർഡ് എന്നിങ്ങനെ വിവിധ കാർഡുകൾ പുറത്തിറക്കിയിട്ടുണ്ട് രാജ്യത്തെ ഏറ്റവും വലിയ പൊതുമേഖല ബാങ്കായ എസ്ബിഐ.
രാജ്യമൊട്ടാകെ ഉപയോഗപ്പെടുത്താവുന്ന കാർഡുകൾ ലഭിക്കാൻ വിവിധ ഗതാഗത വകുപ്പുകൾ എൻസിഎംസിയിൽ അംഗമാകണം. ഇത്തരത്തിൽ ബന്ധിപ്പിച്ചിട്ടുള്ള ഗതാഗത മാര്ഗങ്ങളിലായിരിക്കും കാർഡുകൾ ഉപയോഗപ്പെടുത്താൻ കഴിയുക. ഡിജിറ്റൽ രംഗത്തെ പുതിയ കുതിപ്പാകും ഈ സംവിധാനം.
പ്രതികരിക്കാൻ ഇവിടെ എഴുതുക: