നടി രശ്മിക മന്ദാന ഹൈദരാബാദില്‍ തന്റെ സഹായി സായിയുടെ വിവാഹത്തില്‍ പങ്കെടുത്തതിന്റെ ചിത്രങ്ങള്‍ വൈറലായി.
തിളങ്ങുന്ന മഞ്ഞ നിറമുളള സാരി അണിഞ്ഞാണ് നടി വിവാഹത്തിനെത്തിയത്. സമൂഹ മാധ്യമങ്ങളിലെ ഫാന്‍ പേജുകളില്‍ രശ്മിക വിവാഹത്തില്‍ പങ്കെടുക്കുന്നതിന്റെ വിവിധ പോസുകളിലുളള ചിത്രങ്ങളാണ്.
നടി നവദമ്പതികള്‍ക്കൊപ്പം പോസ് ചെയ്യുന്ന ചിത്രങ്ങളും വിടര്‍ന്ന ചിരിയോടെ നില്‍ക്കുന്ന ചിത്രങ്ങളും ട്രെന്‍ഡിംഗാണ്. ചില ചിത്രങ്ങളില്‍ താരം കറുപ്പ് സണ്‍ഗ്ലാസും ധരിച്ചിട്ടുണ്ട്.
എന്നാല്‍ വധൂവരന്മാര്‍ രശ്മികയുടെ കാല്‍തൊട്ടു വന്ദിക്കുന്ന ചിത്രങ്ങള്‍ വിമര്‍ശന വിധേയമായിട്ടുണ്ട്. പ്രായക്കുറവുളള നടിയുടെ കാല്‍ക്കല്‍ വീഴേണ്ട കാര്യമില്ലെന്നാണ് അഭിപ്രായമുയര്‍ന്നിട്ടുളളത്.
ഗീത ഗോവിന്ദം, ഡിയര്‍ കോമ്രേഡ്, കിരിക് പാര്‍ട്ടി, ചമക്, അഞ്ജനി പുത്ര, സീതാ രാമം, വാരിസു, സരിലേരു നീക്കെവ്വരു തുടങ്ങിയ ചിത്രങ്ങളിലെ അഭിനയത്തിലൂടെയാണ് രശ്മിക മന്ദാന അറിയപ്പെടുന്നത്. 2021-ല്‍ അല്ലു അര്‍ജുനും ഫഹദ് ഫാസിലും രശ്മികയും അഭിനയിച്ച പുഷ്പ: ദി റൈസ് എന്ന സിനിമ വലിയ വിജയമായിരുന്നു.
കഴിഞ്ഞ വര്‍ഷം ഗുഡ്ബൈ എന്ന ചിത്രത്തിലൂടെയാണ് രശ്മിക മന്ദാന ബോളിവുഡില്‍ അരങ്ങേറ്റം കുറിച്ചത്. ചിത്രത്തില്‍ അമിതാഭ് ബച്ചന്‍, നീന ഗുപ്ത എന്നിവരോടൊപ്പം അഭിനയിച്ചു. ഈ വര്‍ഷം സിദ്ധാര്‍ത്ഥ് മല്‍ഹോത്രയ്‌ക്കൊപ്പം മിഷന്‍ മജ്നുവിലും അഭിനയിച്ചു. സന്ദീപ് റെഡ്ഡി വംഗയുടെ അനിമല്‍ എന്ന ചിത്രത്തില്‍ രണ്‍ബീര്‍ കപൂര്‍, അനില്‍ കപൂര്‍, ബോബി ഡിയോള്‍ എന്നിവരോടൊപ്പം അഭിനയിക്കുന്നു. അല്ലു അര്‍ജുനൊപ്പം പുഷ്പ 2: ദ റൂള്‍ എന്ന ചിത്രത്തിലും അഭിനയിക്കുന്നുണ്ട്.
