ന്യൂദല്‍ഹി: ലാലു പ്രസാദ് യാദവിന്റെ മണ്ടത്തരം വീണ്ടും സമൂഹ മാധ്യമങ്ങള്‍ക്ക് വിരുന്നായി. കഴിഞ്ഞ ദിവസം ചന്ദ്രയാന്‍ 3നെക്കുറിച്ച് പറയുമ്പോഴാണ് ലാലു പ്രസാദ് യാദവ് ഈ മണ്ടത്തരം വിളമ്പിയത്.
ചന്ദ്രനിലേക്ക് ചന്ദ്രയാന്‍ 3ല്‍ ആളുകളെ അയച്ചുവെന്നാണ് ലാലു പ്രസാദിന്റെ കണ്ടെത്തല്‍. അങ്ങിനെ ആളുകളെ ചന്ദ്രനിലേക്ക് അയച്ച ശാസ്ത്രജ്ഞരെ അഭിനന്ദിക്കുന്നുവെന്നും ലാലു പ്രസാദ് പറഞ്ഞു. ചന്ദ്രനില്‍ എത്തിയ ആളുകള്‍ അവിടെ ചുറ്റിയടിക്കുകയാണെന്ന് വരെ ലാലു പ്രസാദ് പറഞ്ഞപ്പോള്‍ കൂടെ നില്‍ക്കുന്നവര്‍ക്കും ചിരിയടക്കാന്‍ കഴിഞ്ഞില്ല.
മുംബൈയില്‍ പ്രതിപക്ഷ പാര്‍ട്ടികളുടെ മുന്നണിയായ ഇന്ത്യയുടെ യോഗത്തിന് ശേഷമായിരുന്നു ലാലുപ്രസാദ് യാദവ് ഈ മണ്ടത്തരം വിളമ്പിയത്. “ശാസ്ത്രജ്ഞന്മാരുടെ മേല്‍ എല്ലാവരും അഭിനന്ദനം ചൊരിയുകയാണ്. ചന്ദ്രയാനില്‍ ആളുകള്‍ ചന്ദ്രനില്‍ പോയി. അവര്‍ അവിടെ ചുറ്റിയടിക്കുകയാണ്. “- ലാലു പറഞ്ഞു. മിനിറ്റുകള്‍ക്കകം ഈ വീഡിയോ വൈറലായി.
പ്രതികരിക്കാൻ ഇവിടെ എഴുതുക: