ന്യൂദല്ഹി: ജയ്പുര്-മുംബൈ സെന്ട്രല് സൂപ്പര് ഫാസ്റ്റ് എക്സ്പ്രസില് മേലുദ്യോഗസ്ഥനേയും മൂന്ന് യാത്രക്കാരേയും വെടിവെച്ച് കൊന്ന റെയില്വേ പോലീസ് ഉദ്യോഗസ്ഥനെ സര്വീസില് നിന്ന് പിരിച്ചുവിട്ടു. ആര്.പി.എഫ് കോണ്സ്റ്റബിള് ചേതന്സിങ് ചൗധരിയെ ആണ് റെയില്വേ പിരിച്ചുവിട്ടത്. കഴിഞ്ഞ മാസം 31-ന് ആയിരുന്നു ദാരുണമായ സംഭവം.
ആര്പിഎഫ് എ.എസ്.ഐ ടിക്കറാം മീണ, യാത്രക്കാരായ അബ്ദുള് ഖാദര് മുഹമ്മദ് ഹുസൈന്, സയിദ് സൈഫുദ്ദീന്, അസ്ഗര് അബ്ബാസ് ശൈഖ് എന്നിവരാണ് കൊല്ലപ്പെട്ടത്. സംഭവത്തെ തുടര്ന്ന് അറസ്റ്റിലായ ചേതന്സിങ് നിലവില് 14 ദിവസത്തെ ജുഡീഷ്യല് കസ്റ്റഡിയിലാണിപ്പോള്. ചേതന്സിങ് ട്രെയിനില് കൂടുതല് ആളുകളെ കൊല്ലാന് പദ്ധതിയിട്ടിരുന്നതായി കേസിന്റെ അന്വേഷണത്തില് കണ്ടെത്തിയിട്ടുണ്ട്, എന്നാല്, എസ് 5 കോച്ചിലെ യാത്രക്കാര് ബഹളം സൃഷ്ടിച്ചതിനെത്തുടര്ന്നാണ് ഇത് നടക്കാതെ പോയതെന്നും റിപ്പോര്ട്ടില് പറയുന്നു.
