കോഴിക്കോട്: കണ്ണാടിക്കലിൽ ഓവുചാലിൽ യുവാവിന്റെ മൃതദേഹം കണ്ടെത്തി. കുരുവട്ടൂർ സ്വദേശി അണിയം വീട്ടിൽ വിഷ്ണുവാണ് മരിച്ചെന്നാണ് പോലീസ് നൽകുന്ന സൂചന.
കണ്ണാടിക്കലിൽ വായനശാലയ്ക്ക് സമീപം റോഡിനോട് ചേർന്നുള്ള ഓടയിലാണ് രാവിലെ മൃതദേഹം കണ്ടെത്തിയത്. ഇതിനു സമീപത്തു നിന്നും ഹെൽമറ്റും ബൈക്കും കണ്ടെത്തിയിട്ടുണ്ട്. ബൈക്ക് അപകടമാണെന്നാണ് നിഗമനം. അമിത വേഗതയിലെത്തിയ ബൈക്ക് നിയന്ത്രണം തെറ്റി ഇവിടേയ്ക്ക് വീണതാകാമെന്നാണ് നിഗമനം. രാവിലെ ഏഴര മണിയോടെ സമീപവാസികളാണ് മൃതദേഹം കണ്ടെത്തിയത്.
യുവാവിന്റെ മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. ചേവായൂർ പോലീസ് അന്വേഷണം ആരംഭിച്ചു.
