കണ്ണൂര്: കേരളത്തില് 15 ട്രെയിനുകള്ക്ക് പുതുതായി സ്റ്റോപ്പ് അനുവദിച്ച് റെയില്വേ. മലബാറിലെ ഒമ്പത് സ്റ്റേഷനുകളിലാണ് സ്റ്റോപ്പ് അനുവദിച്ചത്. 15 മുതല് ട്രെയിനുകള് പുതിയ സ്റ്റോപ്പില് നിര്ത്തും. കാസര്കോട് സ്റ്റേഷനില് രണ്ട് ദീര്ഘദൂര ട്രെയിനുകള്ക്കും സ്റ്റോപ്പുണ്ട്.
തിരുവനന്തപുരം-മംഗളൂരു മാവേലി എക്സ്പ്രസിന് തിരൂരില് സ്റ്റോപ്പ് അനുവദിച്ചിട്ടുണ്ട്. 18 മുതലാണ് ഇവിടെ നിര്ത്തുക. 16 മുതല് മലബാര് എക്സ്പ്രസ് ചാലക്കുടി, കുറ്റിപ്പുറം എന്നീ സ്റ്റേഷനുകളില് നിര്ത്തും. കൂടാതെ തിരുവനന്തപുരം-മംഗളൂരു എക്സ്പ്രസ് 15 മുതല് ഏഴിമലയില് നിര്ത്തും.
16മുതല് ദാദര്-തിരുനല്വേലി ദാദര് ഹംസഫറും (22629/ 22630) 17മുതല് തിരുനെല്വേലി-ഗാന്ധിധാം ഹംസഫറും (20923/ 20924) കാസര്കോട് നിര്ത്തും. 15 മുതല് ഏറനാട് എക്സ്പ്രസ് (16605/16606) പഴയങ്ങാടിയില് നിര്ത്തും. അതേദിവസം തന്നെ കണ്ണൂര്-യശ്വന്ത്പൂര്-കണ്ണൂര് (16528/ 16527) പരപ്പനങ്ങാടിയിലും നിര്ത്തും.
