ടൊറന്റോ: ലോക പോലീസ് ആന്ഡ് ഫയര് ഗെയിംസില് നീന്തല്ക്കുളത്തിലെ ഇന്ത്യയുടെ സ്വര്ണ്ണമത്സ്യം സജന് പ്രകാശിന്റെ സ്വര്ണക്കൊയ്ത്ത്.
മത്സരിക്കാനിറങ്ങിയ പത്തിനങ്ങളിലും സ്വര്ണമണിഞ്ഞാണ് സജന് പ്രകാശ് നീന്തല്ക്കുളത്തില് നിന്ന് തിരിച്ചുകറിയത്. ആറ് വ്യക്തിഗത ഇനങ്ങളിലും നാല് റിലേ ഇനങ്ങളിലുമാണ് സജന് പൊന്നണിഞ്ഞത്.
പുരുഷന്മാരുടെ 50 മീറ്റര് ബട്ടര്ഫ്ളൈ, 100 മീറ്റര് ബട്ടര്ഫ്ളൈ, 400 മീറ്റര് ഫ്രീസ്റ്റൈല്, 400 മീ. ഫ്രീസ്റ്റൈല്, 200 മീറ്റര് മെഡ്ലെ, മൂന്ന് കിലോമീറ്റര് ഓപ്പണ് വാട്ടര് എന്നീ ഇനങ്ങളില് വ്യക്തിഗത സ്വര്ണം നേടിയ സജന് 4-50 മീ. ഫ്രീസ്റ്റൈല് റിലേ, 4-50 മീ. മെഡ്ലെ റിലേ, 4-50 മീ. മിക്സ്ഡ് റിലേ, 4-50 മീ. മിക്സഡ് മെഡ്ലെ റിലേ എന്നിവയിലുമാണ് സജന്റെ സ്വര്ണനേട്ടം. അടുത്തമാസം ചൈനയില് നടക്കുന്ന ഏഷ്യന് ഗെയിംസില് ഇന്ത്യന് നീന്തല് സംഘത്തെ നയിക്കുന്നത് സജന് പ്രകാശ് ആണ്. കേരള ആംഡ് പോലീസില് അസി. കമാണ്ടന്ററാണ് സജന് പ്രകാശ്.
