ചണ്ഡീഗഢ്: കേരളത്തിലെ കുട്ടിയെക്കൊണ്ട് നടത്തിച്ച കൊലവിളി മുദ്രാവാക്യം മറക്കാറായിട്ടില്ല. ഒരു കൊച്ചുകുട്ടിയെക്കൊണ്ട് അരിയും മലരും കുന്തിരിക്കവും വാങ്ങിവെക്കണമെന്നും നിന്റെയൊക്കെ കാലന്മാർ വരുന്നുണ്ടെന്നുമാണ് റാലിക്കിടെ കേരളത്തിലെ കുട്ടി മുദ്രാവാക്യം വിളിച്ചത്. ഇപ്പോഴിതാ ഹരിയാനയിലെ നൂഹില് ഹിന്ദുക്കളുടെ ഘോഷയാത്രയ്ക്ക് നേരെ നടന്ന കല്ലേറില് കുട്ടികള് പങ്കെടുത്തിരുന്നതായാണ് റിപ്പോര്ട്ടുകള് പുറത്തുവരുന്നത്. ഇതിനെതിരെ ദേശീയ ബാലവവകാശ കമ്മീഷന് രംഗത്തെത്തിയിരിക്കുകയാണ്.
ഹരിയാനയിലെ നൂഹില് ഹിന്ദു ഘോഷയാത്രയ്ക്കെതിരെ കുട്ടികളെ കല്ലെറിഞ്ഞതിനെക്കുറിച്ച് വിശദമായ അന്വേഷണം വേണമെന്നാണ് ദേശീയ ബാലാവകാശ കമ്മീഷന് പൊലീസിനോട് ആവശ്യപ്പെട്ടിരിക്കുന്നത്. മറ്റ് നിയമവിരുദ്ധ പ്രവര്ത്തനങ്ങള്ക്കും കുട്ടികളെ ഉപയോഗപ്പെടുത്തിയിരുന്നതായി റിപ്പോര്ട്ടുകള് പുറത്തുവരികയാണ്.
ഹിന്ദു ഘോഷയാത്ര കടന്നുവരുന്നതിന് മുന്പ് പലയിടങ്ങളിലായി തീരെ സംശയം തോന്നാത്ത രീതിയില് ചെറുസംഘങ്ങളായി നിന്നവര് പൊടുന്നനെ ഒന്നിച്ച് കല്ലെറിയുകയായിരുന്നു. ഇതോടെ പ്രകടനക്കാര് ചിതറിയോടി. കുറച്ചധികം പേര് തൊട്ടടുത്തുള്ള ഒരു ക്ഷേത്രത്തില് അഭിയം തേടി. പിന്നീട് പൊലീസെത്തിയാണ് ഇവരെ രക്ഷിച്ചത്.
