മുംബൈ: ഇന്ത്യയുടെ മൊത്ത ആഭ്യന്തര ഉല്‍പാദനം അടുത്ത ഏഴ് വര്‍ഷം കഴിയുമ്പോള്‍ 2030ഓടെ ആറ് ലക്ഷം കോടി ഡോളര്‍ ആയി ഉയരുമെന്ന് സ്റ്റാന്‍ഡേഡ് ചാര്‍ട്ടേഡ് ബാങ്ക് റിസര്‍ച്ച് റിപ്പോര്‍ട്ട്. . 2023ലെ ജിഡിപി വെറും 3.5 ലക്ഷം കോടി ഡോളര്‍ മാത്രമാണ്. സേവന-ഉല്‍പാദനമേഖലയില്‍ ഇന്ത്യയ്‌ക്കകത്തുള്ള മൊത്തം ആഭ്യന്തര ഉല്‍പാദനത്തെയാണ് ഇന്ത്യയിലെ ജിഡിപി എന്ന് പറയുക.
ആളോഹരി വരുമാനമാകട്ടെ 2030ല്‍ നാലായിരം ഡോളര്‍ ആയി ഉയരും. 2022ലെ ആളോഹരി വരുമാനം വെറും 2,450 ഡോളര്‍ മാത്രമാണ്. ഇന്ത്യ ഇതോടെ ഒരു താഴ്ന്ന ഇടത്തരം വരുമാനക്കാരുടെ സമ്പദ്ഘടനയില്‍ നിന്നും ഉയര്‍ന്ന ഇടത്തരം വരുമാനക്കാരുടെ സമ്പദ്ഘടനയായി മാറും.
സുസ്ഥിരമായ നയപരിഷ്കാരങ്ങളിലൂടെയും സ്ഥൂലസമ്പദ്ഘടനയിലെ പ്രതിഭാസങ്ങളായ ദേശീയ വരുമാനം, സാമ്പത്തിക വളര‍്ച്ചാനിരക്ക്, നാണ്യപ്പെരുപ്പം, ജിഡിപി എന്നിവയില്‍ സ്ഥിരത നിലനിര്‍ത്തിയും ഈ ലക്ഷ്യം ഇന്ത്യ കൈവരിക്കുമെന്നും റിപ്പോര്‍ട്ട് ചൂണ്ടിക്കാട്ടുന്നു.
