വെള്ളാങ്ങല്ലുര്: വള്ളിവട്ടം യൂണിവേഴ്സല് എഞ്ചിനീയറിംഗ് കോളേജ് ഒന്നാം വര്ഷ മെക്കാനിക്കല് എഞ്ചിനീയറിംഗ് വിദ്യാര്ത്ഥിയായ ബി. അഭിജിത്തിനെ നേപ്പാളില് നടക്കുന്ന അണ്ടര് -20 ഏഷ്യന് റഗ്ബി ചാമ്പ്യന്ഷിപ്പില് പങ്കെടുക്കുവാനുള്ള ഇന്ത്യന് നാഷണല് ടീമിലേക്ക് തെരഞ്ഞെടുത്തു.
എ.പി.ജെ അബ്ദുല്കലാം സാങ്കേതിക സര്വകലാശാലയില് നിന്നുള്ള ഏക താരമാണ് അഭിജിത്. ദേശീയതലത്തില് കേരളത്തിന് വേണ്ടി നിരവധി തവണ ജേഴ്സി അണിഞ്ഞിട്ടുണ്ട്. ഇത് രണ്ടാം തവണയാണ് ഇന്ത്യന് ക്യാമ്പിലേക്ക് തെരഞ്ഞെടുക്കുന്നത്. യാത്രയയപ്പ് ചടങ്ങില് പ്രിന്സിപ്പല് ഡോ. ജോസ് കെ. ജേക്കബ് അദ്ധ്യക്ഷത വഹിച്ചു. ജില്ലാ റഗ്ബി അസോസിയേഷന് പ്രസിഡന്റും, ജില്ലാ സ്പോര്ട്സ് കൗണ്സില് അംഗവുമായ അഡ്വ. അജിത് ബാബു മുഖ്യാതിഥി ആയിരുന്നു. ഫിസിക്കല് എഡ്യൂക്കേഷന് ഡയറക്ടര് ആര്. വിഷ്ണുരാജ് പ്രസംഗിച്ചു.
