മയാമി: മേജര് ലീഗ് ഫുട്ബോള് ക്ലബ് ഇന്റര് മയാമി സൂപ്പര് താരം ലയണല് മെസിയെ ഔദ്യോഗികമായി അവതരിപ്പിച്ചു . ക്ലബിന്റെ ഔദ്യോഗിക സമൂഹമാധ്യമ അക്കൗണ്ടുകളിലൂടെയാണ് അര്ജന്റൈന് ഇതിഹാസ താരത്തെ അവതരിപ്പിച്ചത്.
36കാരനായ താരം ഫ്രഞ്ച് ക്ലബ് പി എസ് ജിയില് നിന്നാണ് അമേരിക്കയിലെത്തിയത്. വമ്പന് തുകയാണ് മെസിക്ക് പ്രതിഫലമായി ലഭിക്കുന്നത്.
പുതിയ ക്ലബില് മെസി വെള്ളിയാഴ്ച അരങ്ങേറുമെന്നാണ് റിപ്പോര്ട്ട്. ക്രുസ് അസൂളിനെതിരെയാകും ലീഗ്സ് കപ്പില് താരം ആദ്യ മത്സരം കളിക്കുക. ഇന്റര് മയാമിയുടെ സഹ ഉടമയാണ് ഇംഗ്ലണ്ടിന്റെ മുന് താരം ഡേവിഡ് ബെക്കാം.
