മണര്‍കാട്: കഞ്ചാവുമായി യുവാവിനെ പോലീസ് അറസ്റ്റ് ചെയ്തു. മണര്‍കാട് ചെറിയാന്‍ ആശ്രമം ഭാഗത്ത് വെളിയില്‍ പടിഞ്ഞാറെതറ വീട്ടില്‍ സല്‍മാനുള്‍ ഫാരിസ് പി.എ (23) എന്നയാളെയാണ് മണര്‍കാട് പോലീസ് അറസ്റ്റ് ചെയ്തത്.
പട്രോളിങ് നടത്തുന്നതിനിടെ ചെറിയാന്‍ ആശ്രമം ഭാഗത്ത് വച്ച് സംശയാസ്പദമായ രീതിയില്‍ യുവാവിനെ കണ്ടതിനെ തുടര്ന്ന് പോലീസ് നടത്തിയ പരിശോധനയില്‍ ഇയാളുടെ കയ്യില്‍ നിന്നും വില്‍പ്പനക്കായി സൂക്ഷിച്ചിരുന്ന 27 ഗ്രാം കഞ്ചാവ് പിടികൂടുകയായിരുന്നു. മണര്‍കാട് സ്‌റ്റേഷന്‍ എസ്‌ഐ അഖില്‍ദേവ്, ഗോപകുമാര്‍ എസ്, സിപിഒമാരായ തോമസ് രാജു, ജിജോ തോമസ്, ശ്രീകുമാര്‍ എ.എസ് എന്നിവര്‍ ചേര്‍ന്നാണ് ഇയാളെ പിടികൂടിയത്.
