കൊച്ചി: ലിവിങ് ടുഗെതര് പങ്കാളികളായ സുമയ്യ ഷെറിനും സി.എസ്.അഫീഫയ്ക്കും പൊലീസ് സംരക്ഷണം നല്കാന് ഇടക്കാല ഉത്തരവിട്ട് ഹൈക്കോടതി. പൊലീസ് സംരക്ഷണം തേടി ഇരുവരും നല്കിയ ഹര്ജിയിലാണ് ഉത്തരവ്. പുത്തന്കുരിശ് സ്റ്റേഷന് ഹൗസ് ഓഫീസര്ക്കും കൊണ്ടോട്ടി സ്റ്റേഷന് ഹൗസ് ഓഫിസര്ക്കുമാണ് ജസ്റ്റിസ് പി.വി. കുഞ്ഞികൃഷ്ണന് നിര്ദേശം നല്കിയത്.
മലപ്പുറം സ്വദേശികളായ ഇരുവരും രണ്ട് വര്ഷത്തോളമായി സൗഹൃദത്തിലാണ്. നേരത്തെ അഫീഫയുടെ മാതാപിതാക്കള് തട്ടിക്കൊണ്ടു പോയെന്നാരോപിച്ച് സുമയ്യ നല്കിയ ഹേബിയസ് കോര്പ്പസ് ഹര്ജിയില് അഫീഫ തനിക്ക് വീട്ടുകാര്ക്കൊപ്പം പോകാനാണ് ഇഷ്ടമെന്ന് പറഞ്ഞതിനെ തുടര്ന്ന് ഹൈക്കോടതി തീര്പ്പാക്കിയിരുന്നു. ഇക്കഴിഞ്ഞ ജനുവരി മുതല് ഇരുവരും വീണ്ടും ഒന്നിച്ച് താമസിച്ചു തുടങ്ങി. പിന്നീടും അഫീഫയെ മാതാപിതാക്കള് തട്ടിക്കൊണ്ടുപോയി ഒളിവില് പാര്പ്പിക്കുന്നെന്ന് കാട്ടി സുമയ്യ പോലീസിനെ സമീച്ചിരുന്നു. തുടര്ന്നാണ് അഫീഫയുടെ മാതാപിതാക്കളില് നിന്നും കൂട്ടാളികളില് നിന്നും പൊലീസ് സംരക്ഷണം തേടിയാണ് ഇരുവരും കോടതിയെ സമീപിച്ചത്.
