പുതുക്കാട്: വില്പനക്കായി സൂക്ഷിച്ച 430 ഗ്രാം കഞ്ചാവുമായി യുവാവിനെ പുതുക്കാട് പോലീസ് പിടികൂടി. നെടുമ്പാള് പള്ളം സ്വദേശി കല്ലയില് വീട്ടില് അനീഷ് (32) ആണ് പിടിയിലായത്.
8 ഗ്രാം വീതമുള്ള 48 ചെറിയ പൊതികളിലായി കട്ടിലിനടിയിലാണ് കഞ്ചാവ് സൂക്ഷിച്ചിരുന്നത്. പുതുക്കാട് പോലീസിന് ലഭിച്ച രഹസ്യവിവരത്തെ തുടര്ന്ന് നടത്തിയ പരിശോധനയിലാണ് കഞ്ചാവ് കണ്ടെത്തിയത്. വര്ഷങ്ങളായി ഇയാള് കഞ്ചാവ് വില്പന നടത്തുന്നുണ്ടെന്നും വിദ്യാര്ത്ഥികള് ഉള്പ്പടെയുള്ളവര്ക്ക് എത്തിച്ചുകൊടുക്കുകയാണ് പതിവെന്നും പോലീസ് പറഞ്ഞു. പുതുക്കാട് എസ്ഐ സൂരജിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
