ഭുവനേശ്വര്‍: മധ്യദൂര ബാലിസ്റ്റിക് മിസൈലായ അഗ്നി-1ന്റെ പരീക്ഷണ വിക്ഷേപണം ഇന്ത്യ വിജയകരമായി നടത്തി. ഒഡീഷയിലെ എപിജെ അബ്ദുള്‍ കലാം ദ്വീപില്‍ സ്ട്രാറ്റജിക് ഫോഴ്സ് കമാന്‍ഡാണ് വിക്ഷേപണം നടത്തിയത്.
വളരെ ഉയര്‍ന്ന കൃത്യതയോടെ ബംഗാള്‍ ഉള്‍ക്കടലിലെ ലക്ഷ്യം മിസൈല്‍ ഭേദിച്ചു . മിസൈലിന്റെ എല്ലാ സാങ്കേതിക സംവിധാനവും കൃത്യമായി പ്രവര്‍ത്തിച്ചു.
അഗ്നി സീരീസ് മിസൈലുകളുടെ ഒന്നിലധികം വകഭേദങ്ങള്‍ ഇന്ത്യ വികസിപ്പിച്ചെടുത്തിട്ടുണ്ട്. 2022 ഡിസംബറില്‍, 5,000 കിലോമീറ്റര്‍ പരിധിയിലുള്ള ലക്ഷ്യങ്ങളെ ആക്രമിക്കാന്‍ ശേഷിയുള്ള ആണവശേഷിയുള്ള ബാലിസ്റ്റിക് മിസൈല്‍ അഗ്നി-വി ഇന്ത്യ വിജയകരമായി പരീക്ഷിച്ചു.
അഗ്നി 1 മുതല്‍ 4 വരെ മിസൈലുകള്‍ക്ക് 700 കിലോമീറ്റര്‍ മുതല്‍ 3,500 കിലോമീറ്റര്‍ വരെ പരിധിയുണ്ട്. അവ ഇതിനകം തന്നെ വിന്യസിച്ചതായും റിപ്പോര്‍ട്ടുണ്ട്.
