പുന്നമട: ആലപ്പുഴ വേമ്പനാട് കായലില്‍ ഹൗസ്‌ബോട്ട് മുങ്ങി. ആലപ്പുഴ സ്വദേശി അനസിന്റെ ഉടമസ്ഥതയിലുള്ള ബോട്ടാണ് റാണി കായല്‍ ഭാഗത്ത് മുങ്ങിയത്. തമിഴ്‌നാട് സ്വദേശികളാണ് ബോട്ടിലുണ്ടായിരുന്നത്. ഇവരെ രക്ഷപ്പെടുത്തി.
അടിത്തട്ട് ഇളകിയതിനെ തുടര്‍ന്ന് ബോട്ടില്‍ വെള്ളം കയറുകയായിരുന്നു. ബോട്ട് മുങ്ങിത്താഴുന്നതിന് മുൻപ് മറ്റ് ഹൗസ് ബോട്ടുകളിലും സ്പീഡ് ബോട്ടുകളിലുമായി എത്തിയവർ യാത്രക്കാരെ രക്ഷിച്ചു. ഇവരെ മറ്റൊരു ബോട്ടിൽ കയറ്റി. കായലിൽ സ്ഥാപിച്ച ഒരു കുറ്റിയിൽ ഇടിച്ച് ബോട്ടിന്റെ അടിപ്പലക തകർന്നതാണ് വെള്ളം കയറാൻ കാരണമെന്ന് സംശയിക്കുന്നു.
ബോട്ടിന്റെ കാലപ്പഴക്കവും അപകടത്തിന് കാരണമായെന്ന് പോലീസ് പറഞ്ഞു.
