ഡര്ബന്: ദക്ഷിണാഫ്രിക്കയിലെ ഡര്ബനില് നടക്കുന്ന ലോക ടേബിള് ടെന്നീസ് ചാമ്പ്യന്ഷിപ്പില് ഇന്ത്യന് താരങ്ങളായ ശരത് കമലും ജി സത്യനും വിജയത്തുടക്കം. ലോക റാങ്കിംഗില് 56-ാം സ്ഥാനത്തുള്ള കമല്, 170-ാം റാങ്കുകാരനായ ഓസ്ട്രിയയുടെ ഡേവിഡ് സെര്ദറോഗ്ലുവിനെ പരാജയപ്പെടുത്തി രണ്ടാം റൗണ്ടിലെത്തി.
4-1 എന്ന സ്കോറിനാണ് ശരത് കമലിന്റെ വിജയം.മറ്റൊരു പുരുഷ സിംഗിള്സ് മത്സരത്തില് സത്യന് ഇംഗ്ലണ്ടിന്റെ ടോം ജാര്വിസിനെ 4-3ന് തോല്പിച്ചു.പുരുഷ ഡബിള്സില് ഇന്ത്യന് സഖ്യം ഈജിപ്തിന്റെ മുഹമ്മദ് ഷൗമാന്-മുഹമ്മദ് എല്-ബിയാലി സഖ്യത്തെ 3-0ന് പരാജയപ്പെടുത്തി.
വനിതാ സിംഗിള്സില് ഇന്ത്യയിലെ ഏറ്റവും ഉയര്ന്ന റാങ്കിലുളള മനിക ബത്രയും അള്ജീരിയയുടെ ലിന്ഡ ലോഗ്റൈബിക്കെതിരായ ആദ്യ മത്സരത്തില് വിജയിച്ചു. ഇറ്റലിയുടെ നിക്കോള് ആര്ലിയക്കെതിരെ ശ്രീജ അകുല വിജയിച്ചു.
