റോം: ഇറ്റാലിയന്‍ ഓപ്പണ്‍ ടെന്നീസ് വനിതാ സിംഗിള്‍സ് കിരീടം കസാക്കിസ്ഥാന്റെ എലീന റൈബാകിനയ്‌ക്ക്. യുക്രൈന്റെ അന്‍ഹെലിന കലിനീനയെ 6-4, 1-0 എന്ന സ്‌കോറിന് പരാജയപ്പെടുത്തിയാണ് കിരീടം നേട്ടം. റൈബാകിനയുടെ ഈ വര്‍ഷത്തെ രണ്ടാമത്തെ കിരീടമാണിത്.
മഴ കഴിഞ്ഞ് 65 മിനിറ്റിനുശേഷം 30-ാം സീഡ് കലിനീനയ്‌ക്ക് കളി തുടരാന്‍ കഴിയാതെ വന്നപ്പോള്‍ 7-ാം സീഡ് റൈബാകിന കിരീടം സ്വന്തമാക്കി. ഇടത് തുടയ്‌ക്ക് പരിക്കേറ്റതിനെ തുടര്‍ന്ന് കലിനീന ഫൈനലില്‍ നിന്ന് പിന്‍വാങ്ങുകയായിരുന്നു.
ഇന്ന് പുരുഷ സിംഗിള്‍സ് ഫൈനല്‍ ഇന്ത്യന്‍ സമയം രാത്രി 7.30ന് നടക്കും.ഡെന്‍മാര്‍ക്ക് താരം ഹോള്‍ഗര്‍ റൂണും റഷ്യയുടെ ഡാനില്‍ മെദ്വദേവും തമ്മിലാണ് മത്സരം.
