പാരിസ്: ലയണല് മെസിക്ക് പിന്നാലെ നെയ്മറും പിഎസ്ജി വിടുന്നുവെന്ന് റിപ്പോര്ട്ട്. എന്നാല് കൂടുമാറ്റം ഏത് ടീമിലേക്കെന്ന് വ്യക്തമായിട്ടില്ല. സ്പെയിനില് ബാഴ്സലോണയിലേക്ക് തിരികെ പോകാന് താത്പര്യമുണ്ടെങ്കിലും ടീമിന്റെ സാമ്പത്തിക പ്രതിസന്ധി അതിന് അനുകൂലമാകില്ലെന്നാണ് വിദഗ്ധരുടെ അഭിപ്രായം.
എംബാപ്പെയുമായുള്ള രസച്ചേര്ച്ചയില്ലാത്തതിനാല് ടീം വിടാന് നേരത്തെ തന്നെ നെയ്മര് തീരുമാനിച്ചിരുന്നു. ഈയിടെ പിഎസ്ജിയുടെ ആരാധക കൂട്ടായ്മയായ അള്ട്രാസ് നെയ്മറുടെ വീടിന് മുന്നില് പ്രതിഷേധം സംഘടിപ്പിച്ചിരുന്നു. ഇതിന് പിന്നാലെ ടീം വിടാനുള്ള താത്പര്യം നെയ്മര് മനേജ്മെന്റിനെ അറിയിച്ചെന്നാണ് റിപ്പോര്ട്ട്.
പ്രീമിയര് ലീഗില് ചെല്സി, മാഞ്ചസ്റ്റര് യുണൈറ്റഡ്, ന്യൂകാസില് ക്ലബുകളെല്ലാം നെയ്മറിനെ സ്വന്തമാക്കാന് താത്പര്യമറിയിച്ചിരുന്നു. എന്നാല്, സ്പെയ്നില് മറ്റൊരു ടീമിലേക്കുമില്ലെന്നാണ് നെയ്മറുടെ തീരുമാനം. 2017ലാണ് നെയ്മര് പിഎസ്ജിയിലെത്തിയത്.
ജന്മഭൂമി ഓണ്ലൈന്