ഡെറാഡൂണ് : ഉത്തരാഖണ്ഡിലെ ബദരീനാഥ് ക്ഷേത്രകവാടങ്ങള് ഇന്ന് രാവിലെ ഭക്തര്ക്കായി തുറന്നു. രാവിലെ 7.10 നാണ് ഭക്തര്ക്കായി ക്ഷേത്ര കവാടങ്ങള് തുറന്നു നല്കിയത്.മന്ത്രോച്ചാരണങ്ങളാല് മുഖരിതമായ അന്തരീക്ഷത്തിലാണ് കവാടങ്ങള് തുറന്നത്.
ക്ഷേത്ര കവാടങ്ങള് ജമന്തി പൂക്കളാല് അലങ്കരിച്ചിരുന്നു.ക്ഷേത്ര കവാടങ്ങള് തുറക്കുന്നതിന് മുമ്പ് തന്നെ നേരിയ മഞ്ഞുവീഴ്ച ആരംഭിച്ചിരുന്നു.ബദരീനാഥ് ദര്ശനം നടത്തുന്നതിനുമായി നിരവധി ഭക്തര് എത്തിയിരുന്നു.
നാല് ക്ഷേത്രങ്ങളുടെയും (ചാര് ധാം) പോര്ട്ടലുകള് ഇപ്പോള് തീര്ത്ഥാടനത്തിനായി തുറന്നിട്ടുണ്ട്്. ഗംഗോത്രി, യമുനോത്രി ക്ഷേത്ര കവാടങ്ങള് ഈ മാസം 22 ന് അക്ഷയ തൃതീയയോടനുബന്ധിച്ച് തുറന്നപ്പോള് കേദാര്നാഥ് ക്ഷേത്രത്തിന്റെ പോര്ട്ടലുകള് 25 ന് ഭക്തര്ക്കായി തുറന്നു.ബദരീനാഥ് ദര്ശനത്തിനായി വരുന്ന തീര്ത്ഥാടകര്ക്ക് ആവശ്യമായ സൗകര്യങ്ങള് ഭരണകൂടം ഒരുക്കിയിട്ടുണ്ട്.
