ദുബായ് : ദുബായ് ബാഡ്മിന്റണ്‍ ഏഷ്യ ചാമ്പ്യന്‍ഷിപ്പില്‍, പിവി സിന്ധു, കിദംബി ശ്രീകാന്ത്, ലക്ഷ്യ സെന്‍, എച്ച്എസ് പ്രണോയ് എന്നിവര്‍ ആദ്യ റൗണ്ട് മത്സരങ്ങള്‍ക്ക് ഇന്നിറങ്ങും. വനിതാ സിംഗിള്‍സില്‍ സിന്ധു തായ്‌വാന്റെ വെന്‍ ചി ഹ്‌സുവിനെ നേരിടുമ്പോള്‍, ആകര്‍ഷി കശ്യപ് ഇന്തോനേഷ്യയുടെ കൊമാങ് അയു കാഹ്യാ ദേവിയുമായി ഏറ്റുമൂട്ടും.
ഇന്ന് നടന്ന ആദ്യ റൗണ്ട് സിംഗിള്‍സ് മത്സരത്തില്‍ മാളവിക ബന്‍സോദ് ജപ്പാന്റെ അകാനെ യമാഗുച്ചിയോട് തോറ്റു.പുരുഷ വിഭാഗത്തില്‍ ലക്ഷ്യ സെന്‍ സിംഗപ്പൂരിന്റെ ലോഹ് കീന്‍ യൂവിനെ നേരിടും.കിദംബി ശ്രീകാന്ത് ബഹറൈന്റെ അദ്‌നന്‍ ഇബ്രാഹിമുമായാണ് മത്സരിക്കുക. എച്ച് എസ് പ്രാണോയ് മ്യാന്‍മാറിന്റെ ഫോണ്‍ പെ നൈന്‍ഗുമായും ഏറ്റുമൂട്ടും.
സാത്വിക്‌സായിരാജ് രങ്കിറെഡ്ഡി, ചിരാഗ് ഷെട്ടി, ട്രീസ ജോളി, ഗായത്രി ഗോപിചന്ദ് പുല്ലേല, എം.ആര്‍. അര്‍ജുന്‍, ധ്രുവ് കപില എന്നിവരും ഡബിള്‍സ് മത്സരങ്ങളില്‍ ഇന്ന് മത്സരത്തിന് ഇറങ്ങും.
