കണ്ണൂര്: ടിക്കറ്റുകള് തന്നെ ചൂടപ്പമായി മാറിയ സ്ഥിതിക്ക് ഇനി മറ്റൊരു അപ്പത്തിന് പ്രസക്തിയില്ലെന്ന് നടന് ഹരീഷ് പേരടി. കെ റെയിലിന്റെ പേരില് ജനിക്കാനിരിക്കുന്ന കുട്ടികളെപ്പോലും കോടികളുടെ കൊടും കടത്തിലേക്ക് തള്ളിവിടാതെ ഒരു പാട് പരിമതിക്കള്ക്കുള്ളില് നിന്ന് ഞങ്ങളുടെ വേഗതയെ പരിഗണിച്ച പ്രിയപ്പെട്ട മോദിജി നിറയെ ഉമ്മകള്…എപ്പോഴെങ്കിലും നേരിട്ട് കാണുമ്പോള് അനുവദിക്കുമെങ്കില് ഉമ്മ തരാം. – ഹരിഷ് പേരടി തന്റെ ഫേസ് ബുക്ക് കുറിപ്പില് പറയുന്നു.
ഹരിഷ് പേരടിയുടെ ഫെയ്സ് ബുക്ക് കുറിപ്പ് വായിക്കാം:
എത്ര കുരുക്കള് പൊട്ടിയാലും നല്ലത് ആര് ചെയ്താലും നല്ലത് എന്ന് ഉറക്കെ പറയും. എന്റെ പേര് ഹരീഷ് പേരടി….- തന്നെ സ്വയം മോദിക്ക് പരിചയപ്പെടുത്തുന്ന രീതിയില് പേരടിയുടെ പോസ്റ്റില് പറയുന്നു.
വന്ദേഭാരതിന്റെ ടിക്കറ്റുകള് ചൂടപ്പം പോലെ വിറ്റുപോകുന്നുവെന്ന വാര്ത്തയുടെ സ്ക്രീന് ഷോട്ടുമായാണ് പേരടിയുടെ പോസ്റ്റ്. സിപിഎം സെക്രട്ടറി എം. ഗോവിന്ദന്റെ കെ റെയില് വഴി ഷൊര്ണ്ണൂരില് നിന്നും കൊച്ചിയില് പോയി അപ്പം വില്ക്കുന്ന കഥയെയും ഹരീഷ് പേരടി ട്രോളുന്നു.
