കൊച്ചി : അരിക്കൊമ്പനെ എവിടേയ്ക്ക് മാറ്റണമെന്നത് സംബന്ധിച്ചുള്ള തീരുമാനം വിദഗ്ധ സമിതി കൈക്കൊള്ളട്ടേയെന്ന് സംസ്ഥാന സര്ക്കാര്. ഇതുസംബന്ധിച്ച ഹര്ജി ഹൈക്കോടതി പരിഗണിക്കവേയാണ് സംസ്ഥാന സര്ക്കാര് ഇക്കാര്യം അറിയിച്ചത്. അരിക്കൊമ്പനെ എവിടേക്ക് മാറ്റണമെന്ന സ്ഥലങ്ങളുടെ വിവരങ്ങളടങ്ങിയ നിര്ദ്ദേശം മുദ്രവെച്ച കവറില് ഹൈക്കോടതിക്ക് കൈമാറാമെന്നും സര്ക്കാര് അറിയിച്ചിട്ടുണ്ട്.
പറമ്പിക്കുളത്തേയ്ക്ക് അരിക്കൊമ്പനെ മാറ്റുന്നതില് വലിയ പ്രതിഷേധം ഉയര്ന്നിട്ടുണ്ട്. ഈ സാഹചര്യത്തിലാണ് എവിടേയ്ക്ക് മാറ്റണമെന്നതില് വിദഗ്ധ സിമിതി തീരുമാനം കൈക്കൊള്ളട്ടേയെന്ന് ആവശ്യപ്പെട്ടിരിക്കുന്നത്. ജനങ്ങളില് നിന്നും പ്രതിഷേധമുള്ളതിനാല് മാറ്റാനുള്ള സ്ഥലങ്ങള് സംബന്ധിച്ച നിര്ദ്ദേശം ഹൈക്കോടതിയെ പ്രത്യേകം അറിയിക്കാം. എന്നാല് ഇക്കാര്യം പരസ്യപ്പെടുത്തരുതെന്നും സര്ക്കാരിന് വേണ്ടി ഹാജരായ അഡീഷണല് അഡ്വക്കേറ്റ് ജനറല് ഹൈക്കോടതിയെ അറിയിച്ചു.
