മുംബയ് : ഐ പി എല്ലില് ഒരു താരത്തിന് കൂടി പിഴ. ഗുജറാത്ത് ടൈറ്റന്സ് നായകന് ഹാര്ദിക് പാണ്ഡ്യക്കാണ് പിഴ ലഭിച്ചത്.
കഴിഞ്ഞ ദിവസം പഞ്ചാബ് കിംഗ്സിനെതിരെ നടന്ന മത്സരത്തില് കൃത്യ സമയത്ത് മത്സരം പൂര്ത്തിയാക്കാത്തതിനാലാണ് പാണ്ഡ്യക്ക് പിഴ ലഭിച്ചത്. ഓവര് റേറ്റ് മോശമായതിന് 12 ലക്ഷം രൂപയാണ് പിഴ വിധിച്ചത്.
ആവര്ത്തിച്ചാല് പിഴ ഇരട്ടിയാകുമെന്നും മുന്നറിയിപ്പുണ്ട്. പഞ്ചാബിനെതിരായ മത്സരത്തില് ഗുജറാത്ത് വിജയിച്ചിരുന്നു.
നേരത്തേ റോയല് ചലഞ്ചേഴ്സ് ബാംഗ്ലൂരിന്റെ നായകന് ഫാഫ് ഡുപ്ലെസിസിന് പിഴ ലഭിച്ചിരുന്നു.രാജസ്ഥാന് റോയല്സിന്റെ മലയാളി നായകന് സഞ്ജു സാംസണും പിഴ ലഭിച്ചു.
