കൊച്ചി: പ്രധാനമന്ത്രി നരേന്ദ്രമോദിയുടെ കേരളാ സന്ദര്‍ശനം ഏപ്രില്‍ 24ലേയ്‌ക്ക് മാറ്റി. ഈ മാസം 25ന് എത്തുമെന്നായിരുന്നു നേരത്തെ അറിയിച്ചിരുന്നത്. എന്നാല്‍, കര്‍ണാടകയിലെ നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമാകേണ്ടതിനാല്‍ കേരളാ സന്ദര്‍ശനം 24ലേയ്‌ക്ക് നിശ്ചയിക്കുകയായിരുന്നു.
കൊച്ചിയില്‍ നടക്കുന്ന ‘യുവം’ പരിപാടിയില്‍ പങ്കെടുക്കുന്നതിനായാണ് നരേന്ദ്രമോദി കേരളത്തില്‍ എത്തുന്നത്. കോണ്‍ഗ്രസിന്റെ മുന്‍ സോഷ്യല്‍ മീഡിയ കോ–ഓര്‍ഡിനേറ്ററും എ.കെ. ആന്റണിയുടെ മകനുമായ അനില്‍ ആന്റണി മോദിയ്‌ക്കൊപ്പം വേദി പങ്കിടും.
പ്രധാനമന്ത്രിയുടെ റോഡ് ഷോയും കൊച്ചിയില്‍ ഉണ്ടായിരിക്കും. വെല്ലിം?ഗ്ടണ്‍ ഐലന്‍ഡിലെ നാവികസേനാ വിമാനത്താവളത്തില്‍ നിന്ന് തേവര കോളജ് ഗ്രൗണ്ട് വരെയാണ് റോഡ് ഷോ. കഴിഞ്ഞ ദിവസം കൊച്ചിയില്‍ ചേര്‍ന്ന ബിജെപി സംസ്ഥാന കോര്‍ കമ്മിറ്റിയില്‍ പ്രധാനമന്ത്രിയുടെ കേരള സന്ദര്‍ശനത്തിനാവശ്യമായ തയ്യാറെടുപ്പുകള്‍ അവലോകനം ചെയ്തിരുന്നു
