ബെംഗളൂരു: കനത്ത മഴ മൂലമുള്ള മോശം കാലാവസ്ഥ കാരണം ബെംഗളൂരില് ഇറങ്ങേണ്ട 14 വിമാനങ്ങള് വഴിതിരിച്ചുവിട്ടു. ചൊവ്വാഴ്ച ബെംഗളൂരു കെംപഗൗഡ വിമാനത്താവളത്തില് ഇറങ്ങേണ്ട 14 വിമാനങ്ങളാണ് വഴി തിരിച്ചുവിട്ടത്.
വിമാനത്താവളം സ്ഥിതിചെയ്യുന്ന ദേവനഹള്ളിയിലും പരിസരത്തും ശക്തമായ മഴയാണ് അനുഭവപ്പെട്ടത്. കനത്ത മഴയോടൊപ്പം ശക്തമാ കാറ്റും ഇടിവെട്ടും മിന്നലുമായതോടെ വിമാനസര്വ്വീസിനെ ബാധിച്ചു. വൈകീട്ട് നാല് മണി മുതല് 4.51 വരെ വിമാനങ്ങള് ഇറങ്ങിയിട്ടില്ല.
14 വിമാനങ്ങളില് 12 എണ്ണം ചെന്നൈയിലേക്കും ഒന്ന് കോയമ്പത്തൂരിലേക്കും മറ്റൊന്ന് ഹൈദരാബാദിലേക്കും തിരിച്ചുവിട്ടു. ഏഴ് ഇന്റിഗോ വിമാനങ്ങള്, മൂന്ന് വിസ്താര, രണ്ട് കാശ എയര്ലൈന്സ്, ഗോ എയറും എയറിന്ത്യയും ഓരോന്നുവീതവുമാണ് വഴിതിരിച്ചുവിട്ടത്. ബെംഗളൂരു വിമാനത്താവളത്തില് നിന്നും പുറപ്പെടേണ്ട ആറ് വിമാനങ്ങള് വൈകി.
പ്രതികരിക്കാൻ ഇവിടെ എഴുതുക: