കോഴിക്കോട്: ഓടിക്കൊണ്ടിരിക്കുന്ന ആലപ്പുഴ- കണ്ണൂര് എക്സിക്യൂട്ടീവ് ട്രെയിനില് സഹയാത്രികരുടെ ദേഹത്ത് പെട്രോള് ഒഴിച്ച് തീകൊളുത്തിയ സംഭവത്തില് പ്രതിയുടേതെന്ന് കരുതുന്ന സിസിടിവി ദൃശ്യങ്ങള് പോലീസ് പുറത്തുവിട്ടു. ഒരാള് നിരന്തരം ഫോണ് ചെയ്യുന്നതും ഇരുചക്രവാഹനത്തില് കയറി പോവുന്നതുമായ ദൃശ്യങ്ങളാണ് പുറത്തുവിട്ടത്. എലത്തൂരിലെ റെയില്വേ ട്രാക്കിന് തൊട്ടടുത്തുള്ള ഒരു പള്ളിയുടെ സിസിടിവിയില് പതിഞ്ഞ ദൃശ്യങ്ങളാണിത്. കേസില് ഏറെ നിര്ണായകമായേക്കാവുന്ന ദൃശ്യങ്ങളാണിത്.
അതേസമയം, ട്രെയിനിലുണ്ടായിരുന്ന റാഷിക്ക് എന്ന യാത്രക്കാരന്റെ സഹായത്തോടെ പ്രതിയുടെ രേഖാ ചിത്രം തയ്യാറാക്കാനുള്ള ശ്രമത്തിലാണ് പോലീസ്. റാഷിക്ക് ഫറൂഖ് സ്റ്റേഷനില് നിന്ന് കയറുമ്പോള് അക്രമിയും ട്രെയിനിലുണ്ടായിരുന്നു. ഏറെനേരും ഇരുവരും അഭിമുഖമായി ഇരുന്നതിനാല് റാഷിക്കിന്റെ സഹായത്തോടെ പ്രതിയുടെ മുഖം വ്യക്തമാകുന്ന രേഖാ ചിത്രം കിട്ടുമെന്നാണ് പ്രതീക്ഷിക്കുന്നത്. എലത്തൂര് പോലീസ് സ്റ്റേഷനില്വെച്ചാണ് രേഖാ ചിത്രം തയ്യാറാക്കുന്നത്. ചിത്രം ഉടന് പുറത്തുവിടുമെന്നും പോലീസ്.
