തന്റെ പേരില് യൂട്യൂബ് ചാനല് തുടങ്ങാമെന്ന ആശയവുമായി എത്തിയ ചെറുപ്പക്കാര് യൂട്യൂബ് ചാനല് തുടങ്ങിയ ശേഷം കിട്ടിയ വരുമാനത്തില് ഭൂരിഭാഗവും തട്ടിയെന്ന് നടി മീനാക്ഷി അനൂപ്. രണ്ട് ലക്ഷത്തോളം പേര് വരെ ഫോളോവേഴ്സ് ആയി ഉണ്ടായിരുന്ന ചാനലായിരുന്നു അത്. തന്റെ പേരില് യൂട്യൂബ് നല്കിയ പ്ലേ ബട്ടണ് പോലും അവര് തന്നില്ലെന്നും മീനാക്ഷി ആരോപിച്ചു.
ഇപ്പോള് യൂട്യൂബില് പുതിയ ചാനൽ സ്വന്തമായി ആരംഭിച്ചിരിക്കുകയാണ് മീനാക്ഷി. തന്റെ പുതിയ യൂട്യൂബ് ചാനലിലൂടെയാണ് പഴയ യൂട്യൂബ് ചാനല് നഷ്ടമായതിന് പിന്നിലെ കാരണം കുടുംബസമേതമെത്തി വിശദീകരിച്ചത്. കോട്ടയം എസ് പിയ്ക്ക് പരാതി നല്കിയതായി മീനീക്ഷിയുടെ അച്ഛന് അനൂപ് പറഞ്ഞു.
നേരത്തെ യൂട്യൂബ് ചാനല് തുടങ്ങാമെന്ന് പറഞ്ഞ് ഒരു ടീം തങ്ങളെ സമീപിക്കുകയായിരുന്നു. അവര് തന്നെയാണ് ഇമെയില് ഐഡിയും പാസ്വേര്ഡുമെല്ലാം സെറ്റ് ചെയ്തത്. രണ്ടു ലക്ഷത്തോളം സബ്സ്ക്രൈബേഴ്സ് ഉണ്ടായിരുന്നു. അവര് തന്നെയാണ് വീഡിയോകള് എടുത്തിരുന്നതും എഡിറ്റ് ചെയ്ത് അപ്ലോഡ് ചെയ്തിരുന്നതുമെല്ലാം. പക്ഷേ കിട്ടിയ പ്ലേ ബട്ടണ് പോലും തന്നില്ല. വീഡിയോയില് നിന്ന് കിട്ടിയ വരുമാനത്തിന്റെ നല്ലൊരു പങ്കും അവര് എടുത്തു. ആദ്യമൊക്കെ സാരമില്ലെന്ന് കരുതി. പക്ഷേ ഇപ്പോള് കോട്ടയം എസ് പിയ്ക്ക് പരാതി നല്കിയിട്ടുണ്ട്- മീനാക്ഷിയുടെ അച്ഛന് അനൂപ് പറയുന്നു.
പരിചയമില്ലാത്തവരുമായി യൂട്യൂബ് ചാനല് തുടങ്ങരുതെന്നും വ്യക്തിപരമായി അറിയാവുന്നവരുമായി ചേര്ന്ന് മാത്രമേ യൂട്യൂബ് ചാനല് തൂടങ്ങാവൂ എന്നും മീനാക്ഷി പറഞ്ഞു.
