കൊച്ചി: പാളത്തില്‍ അറ്റകുറ്റപ്പണികള്‍ നടക്കുന്നതിനാല്‍ ഇന്നും നാളെയും ട്രെയിന്‍ സര്‍വീസുകളില്‍ നിയന്ത്രണം. ജനശതാബ്ദി ഉള്‍പ്പെടെ നാല് ട്രെയിനുകള്‍ പൂര്‍ണമായും മൂന്ന് ട്രെയിനുകള്‍ ഭാഗികമായും റദ്ദാക്കി.
ഉച്ചയ്‌ക്ക് 2.50ന് പുറപ്പെടേണ്ട തിരുവനന്തപുരം-കണ്ണൂര്‍ ജനശതാബ്ദി, എറണാകുളം-ഷൊര്‍ണൂര്‍ മെമു, എറണാകുളം-ഗുരുവായൂര്‍ എക്സ്പ്രസ് റദ്ദാക്കി. നാളെ സര്‍വീസ് നടത്തുന്ന കണ്ണൂര്‍-തിരുവനന്തപുരം ജനശതാബ്ദിയും റദ്ദാക്കി. കണ്ണൂര്‍-എറണാകുളം എക്സ്പ്രസ് ഇന്ന് തൃശ്ശൂരില്‍ യാത്ര അവസാനിപ്പിക്കും. തിരുവനന്തപുരം-ചെന്നൈ മെയില്‍ തൃശ്ശൂരില്‍ നിന്നാണ് സര്‍വീസ് തുടങ്ങുന്നത്. ചെന്നൈയില്‍ നിന്ന് വരുന്ന ട്രെയിന്‍ തൃശ്ശൂരില്‍ യാത്ര അവസാനിക്കും.
