ന്യൂദല്ഹി: ബോര്ഡര് ഗവാസ്കര് ട്രോഫിയിലെ രണ്ടാം ടെസ്റ്റില് ടോസ് നേടി ആദ്യം ബാറ്റ് ചെയ്ത ഓസ്ട്രേലിയ ഒന്നാം ഇന്നിംഗ്സില് 263 റണ്സിന് പുറത്ത്.ഇന്ത്യന് സ്പിന്നര്മാര്ക്കെതിരെ ഏറെ ശ്രദ്ധയോടെ കളിച്ച ഓസ്ട്രേലിയയെ എറിഞ്ഞൊതുക്കാന് ചുക്കാന് പിടിച്ചത് പേസര് മുഹമ്മദ് ഷമി ആയിരുന്നു. ഇന്ത്യക്ക് വേണ്ടി മുഹമ്മദ് ഷമി 4 വിക്കറ്റ് വീഴ്ത്തി.
വാര്ണര് ഈ മത്സരത്തിലും നിരാശപ്പെടുത്തിയപ്പോള്, ഓപ്പണര് ഉസ്മാന് ഖവാജ നേടിയ 81 റണ്സ് ഓസീസിന് ആശ്വാസമായി. പീറ്റര് ഹാന്ഡ്സ്കോംബ് 72 റണ്സുമായി പുറത്താകാതെ നിന്നു. മികച്ച ഫോമിലുള്ള സ്പിന്നര്മാരായ ജഡേജയും അശ്വിനും 3 വിക്കറ്റുകള് വീതം വീഴ്ത്തി. ഒന്നാം ദിനം അവസാനിക്കുമ്പോള് വിക്കറ്റ് നഷ്ടം കൂടാതെ ഇന്ത്യ 21 റണ്സ് നേടിയിട്ടുണ്ട്. ഓപ്പണര്മാരായ രോഹിത് ശര്മ (13) കെ.എല്.രാഹുല് (4) എന്നിവരാണ് ക്രീസില്. 4 മത്സരങ്ങളുടെ ടെസ്റ്റ് പരമ്പരയിലെ ആദ്യ മത്സരത്തില് ഇന്ത്യ ഇന്നിംഗ്സിനും 132 റണ്സിനും വിജയിച്ചിരുന്നു.
