കൊച്ചി : ലൈഫ് മിഷന് കോഴക്കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര് അഞ്ചാം പ്രതിയാക്കി എന്ഫോഴ്സ്മെന്റ് ഡയറക്ടറേറ്റ് റിപ്പോര്ട്ട്. ഇതുവരെ ആറ് പേരെയാണ് കേസില് പ്രതിചേര്ത്തിരിക്കുന്നത്. കള്ളപ്പണ ഇടപാട് കേസില് തിരുവനന്തപുരം സ്വദേശി യദു കൃഷ്ണനെ കൂടി ഇഡി പ്രതി ചേര്ത്തിട്ടുണ്ട്.
സ്വപ്നയുടെ വെളിപ്പെടുത്തലുകളുടെ അടിസ്ഥാനത്തിലാണ് ഇഡിയുടെ ഈ നടപടി. കേസിലെ മറ്റൊരു പ്രതിയായ സരിത്തിനെ യുണിടാക് കമ്പനിയുമായി പരിചയപ്പെടുത്തിയത് യദുവാണെന്നാണ് അന്വേഷണ സംഘം വെളിപ്പെടുത്തുന്നത്. മൂന്ന് ലക്ഷം രൂപയാണ് യദുവിന് ലൈഫ് മിഷന് ഇടപാടില് കോഴയായി ലഭിച്ചത്. കേസില് 3.38 കോടിയുടെ കള്ളപ്പണ ഇടപാടാണ് ഇഡി കണ്ടെത്തിയത്.
ലൈഫ് മിഷന് കോഴക്കേസില് ശിവശങ്കരന് ഒരു കോടി രൂപയാണ് കോഴയായി ലഭിച്ചത്. സരിത്ത്, സന്ദീപ് എന്നിവര്ക്കായി 59 ലക്ഷം രൂപ ലഭിച്ചിട്ടുണ്ട്. സന്ദീപിന് പണം നല്കിയത് ബാങ്ക് അക്കൗണ്ടുകളിലൂടെയാണ്.
ചൊവ്വാഴ്ച 12 മണിക്കൂറോളം ചോദ്യം ചെയ്തതിന്റെ അടിസ്ഥാനത്തില് അര്ദ്ധ രാത്രിയോടെയാണ് ശിവശങ്കറിനെ ഇഡി അറസ്റ്റ് ചെയ്തത്. തുടര്ന്ന് കൊച്ചിയിലെ ഇഡി ഓഫീസില് താമസിപ്പിച്ച ശിവശങ്കറിനെ കോടതിയില് ഹാജരാക്കും. അതിനായി രാവിലെ എറണാകുളം ജനറല് ആശുപത്രിയില് എത്തിച്ച് വൈദ്യ പരിശോധനയ്ക്ക് വിധേയനാക്കി.
ലൈഫ് മിഷന് കോഴ ഇടപാടില് എം ശിവ ശങ്കര് പ്രധാന ആസൂത്രകന് ആണെന്നും. കോഴപ്പണം ശിവശങ്കര് കള്ളപ്പണമായി സൂക്ഷിച്ചതിന് തെളിവുണ്ടെന്നുമാണ് ഇഡി വ്യക്തമാക്കുന്നത്. സ്വപ്ന സുരേഷിന്റെ രണ്ട് ലോക്കറികളില് നിന്ന് എന്ഐഎ പിടികൂടിയ പണം ശിവശങ്കരനുള്ള കോഴപ്പണം എന്നാണ് സ്വപ്ന ഇഡിക്ക് നല്കിയ മൊഴി. മാത്രമല്ല ലൈഫ് മിഷന് കരാര് ലഭിക്കാന് നാലു കോടി 25 ലക്ഷം രൂപ കോഴിയായി നല്കിയിട്ടുണ്ടെന്നും യൂണിടാക് ഉടമ സന്തോഷ് ഈപ്പന്റെ മൊഴിയിലും പറയുന്നുണ്ട്. അതേസമയം സ്വപ്നയുടെ ലോക്കറിലെ പണത്തെക്കുറിച്ച് ഒന്നുമറിയില്ലെന്നാണ് ശിവശങ്കര് മൊഴി നല്കിയിട്ടുള്ളത്.
