തിരുവനന്തപുരം:തൃശൂരിലെ പാടൂര് സ്കൂളില് 22 വര്ഷത്തോളം ഫിസിക്സ് പഠിപ്പിച്ചിരുന്ന ഫൈസല് എന്ന അധ്യാപകന് കുട്ടികളുടെ പേടിസ്വപ്നമായിരുന്നു. കാരണം ക്ലാസിലിരുന്ന കുട്ടികളൊക്കെ പരീക്ഷയില് തോറ്റു. ഇത് സ്ഥിരം പതിവായപ്പോള് ഇയാളുടെ യോഗ്യത പരിശോധിക്കാന് തീരുമാനമായി.
ഇയാള് കാണിച്ച ബിഎസ് സി, എംഎസ് സി ഫിസിക്സ് സര്ട്ടിഫിക്കറ്റുകള് മൈസൂരിലെയും ബാംഗ്ലൂരിലെയും യൂണിവേഴ്സിറ്റികളുടേതായിരുന്നു. ഇതെല്ലാം വ്യാജമാണെന്ന് പരിശോധനയില് തിരിച്ചറിഞ്ഞു.
നേരത്തെ അലിമല് സ്കൂളില് ഫിസിക്സ് അധ്യാപകനായിരുന്നു. അവിടെ ദേശീയ ഗാനം ആലപിക്കുന്നത് തടയാന് ഇയാള് ശ്രമിച്ചിരുന്നതായി പരാതിയുണ്ട്. ദേശീയ ഗാനം ആലപിക്കുന്നതിനിടെ സ്കൂളിലെ വൈദ്യുതി വിച്ഛേദിക്കുകയായിരുന്നു. ഫൈസലിന് ഇസ്ലാമിക മതമൗലിക സംഘടനകളുമായി ബന്ധമുണ്ടെന്ന് ആരോപിച്ച് ബിജെപി ഉള്പ്പെടെ സമരം നയിച്ചിരുന്നു.
സര്ട്ടിഫിക്കറ്റുകള് വ്യാജമാണെന്ന് കണ്ടെത്തിയതോടെ ഇയാളെ അന്വേഷണ വിധേയമായി ആദ്യം സസ്പെന്റ് ചെയ്തു. പിന്നീട് കഴിഞ്ഞ ദിവസം വിദ്യാഭ്യാസവകുപ്പ് പിരിച്ചുവിട്ടു. സര്വ്വീസിലിരിക്കുന്ന അധ്യാപകരെ പിരിച്ചുവിടുക എന്ന അപൂര്വ്വങ്ങളില് അപൂര്വ്വമായ നടപടിയാണ് ഉണ്ടായത്. ജനവരി 10നാണ് ഫൈസലിനെ അധ്യാപകസ്ഥാനത്ത് നിന്നും ഡിസ്മിസ് ചെയ്തത്.
സഹപ്രവര്ത്തകരായ സ്ത്രീകളോട് അപമര്യാദയോടെ പെരുമാറിയ ഒട്ടേറെ സംഭവങ്ങളും ഉണ്ട്. അതുപോലെ വിദ്യാര്ത്ഥികളെ തല്ലിയ സംഭവങ്ങളില് നിരവധി പരാതികള് സ്കൂളിന് ലഭിച്ചിരുന്നു.
ഇയാള് ഇതുവരെ സ്കൂളില് നിന്നും ഒരു കോടിയോളം തുക ശമ്പളമായി കൈപ്പറ്റിയിട്ടുണ്ട്. ഈ പണം തിരിച്ചുപിടിച്ച് പൊതുഖജനാവിലേക്ക് അടയ്ക്കാനും പരാതിയിലുണ്ട്. ഇതില് തിരുമാനമായിട്ടില്ല. മിക്കവാറും ഇയാളുടെ സ്വത്തുക്കള് പിടിച്ചെടുക്കുമെന്ന് തന്നെയാണ് സൂചന.
