കോഴിക്കോട്: സ്കൂള് കലോത്സവത്തോടനുബന്ധിച്ച് ജന്മഭൂമി ഉയര്ത്തിയ കമാനം മറച്ച് എസ് എഫ് ഐയുടെ പന്തലും തോരണവും. വെസ്റ്റ്ഹില് ഗവ. പോളിടെക്നികിന്റെ ഗേറ്റിലാണ് ജന്മഭൂമി ആശംസാ കമാനം സ്ഥാപിച്ചത്. ബന്ധപ്പെട്ടവരില് നിന്ന് അനുവാദം വാങ്ങിയതിന് ശേഷമാണ് ചെയ്തത്. ഏറ്റവും മികച്ച കമാനമാണിത്. മയക്കുമരുന്നിനെതിരെയുള്ള പ്രചാരണമാണ് മുഖ്യ ആശയം. ഇന്നലെ രാത്രി വരെ ഭംഗിയായി, ആകര്ഷകമായി കമാനം നിന്നു.
അര്ധരാത്രിയോടെ, ജന്മഭൂമിയുടെ കമാനം മറയ്ക്കുന്ന തരത്തില് എസ്.എഫ്.ഐ വലിയ പന്തല് കെട്ടി. ചെഗ്വേരയുടെ ചിത്രങ്ങളും വിപഌവ വാക്യങ്ങളും കെട്ടിത്തൂക്കി പരിസരമാകെ അലങ്കോലവുമാക്കി. സംഘാടകരുടെ അനുമതി ഇല്ലാതെയായിരുന്നു അതിക്രമം. കലാലയം,കലോത്സവം ഒക്കെ കലഹപൂര്ണമാക്കുക എസ് എഫ് ഐ ശീലമാണെങ്കിലും മാധ്യമ സ്ഥാപനം ഉയര്ത്തിയ കമാനത്തിന്റെ കാഴ്ച മറയക്കുന്നത് പ്രതിഷേധത്തിന് ഇടയാക്കിയിട്ടുണ്ട്.
ആശംസാ കവാടം മറയ്ക്കാനുള്ള നടപടിയില് നിന്ന് അവരെ പിന്തിരിപ്പിക്കണമെന്ന ആവശ്യപ്പെട്ട് വിദ്യാഭ്യാസ ഡയറക്ടര്, മന്ത്രിമാര്, മുഖ്യമന്ത്രി എന്നിവര്ക്ക് പരാതി നല്കിയിട്ടുണ്ട്
