കൊല്ലം: പുതുവർഷാഘോഷത്തിനിടെ കൊല്ലം ബീച്ചിൽ തിരയിൽപ്പെട്ട് യുവാവിനെ കാണാതായി. അഞ്ചാലുമ്മൂട് സ്വദേശി അഖിൽ രാജേന്ദ്രനെയാണ് (26) കാണാതായത്. രാത്രി പന്ത്രണ്ടരയോടെ ആയിരുന്നു സംഭവം. അഖിലും സുഹൃത്തുക്കളും പുതുവർഷ ആഘോഷത്തിനായാണ് ബീച്ചില് എത്തിയത്.
ബീച്ചിൽ കുളിക്കാനിറങ്ങിയപ്പോഴാണ് അഖില് അപകടത്തില്പ്പെട്ടത്. അഖിൽ തിരയിൽപ്പെട്ടകാര്യം കൂടെയുണ്ടായിരുന്ന സുഹൃത്തുക്കൾ വൈകിയാണ് അറിഞ്ഞത്. കോസ്റ്റൽ പൊലീസും മറൈൻ എൻഫോഴ്സ്മെന്റും തെരച്ചിൽ നടത്തുന്നു.
ജെസിബി ഓപ്പറേറ്ററാണ് അഖിൽ. അഞ്ചാലുംമൂട് കാഞ്ഞിരംകുഴി രാജേന്ദ്രന്-അനിത ദമ്പതികളുടെ മകനാണ് കണ്ണന് എന്നു വിളിപ്പേരുള്ള അഖില്.
