സൂപ്പര് ഹിറ്റായ ‘സൂപ്പര് ശരണ്യ’ എന്ന ചിത്രത്തിനു ശേഷം അര്ജ്ജുന് അശോകന്, അനശ്വര രാജന് എന്നിവര് പ്രധാന കഥാപാത്രങ്ങളാകുന്ന ‘പ്രണയ വിലാസം’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര് റിലീസായി. നിഖില് മുരളി സംവിധാനം ചെയ്യുന്ന ഈ ചിത്രത്തില് മമിത ബൈജു, മിയ, ഹക്കീം ഷാ, മനോജ് കെ യു തുടങ്ങിയ പ്രമുഖരും അഭിനയിക്കുന്നു.
ചാവറ ഫിലിംസിന്റെ ബാനറില് സിബി ചാവറ, രഞ്ജിത്ത് നായര് എന്നിവര് ചേര്ന്ന് നിര്മ്മിക്കുന്ന ഈ ചിത്രത്തിന്റെ ഛായാഗ്രഹണം ഷിനോസ് നിര്വ്വഹിക്കുന്നു. ഗ്രീന് റൂം അവതരിപ്പിക്കുന്ന ഈ ചിത്രത്തിന്റെ തിരക്കഥ സംഭാഷണം ജ്യോതിഷ് എം,സുനു എ വി എന്നിവര് ചേര്ന്ന് എഴുതുന്നു.
സുഹൈല് കോയ,മനു മഞ്ജിത്, വിനായക് ശശികുമാര് എന്നിവരുടെ വരികള്ക്ക് ഷാന് റഹ്മാന് സംഗീതം പകരുന്നു. എഡിറ്റിങ്- ബിനു നെപ്പോളിയന്, കലാസംവിധാനം- രാജേഷ് പി വേലായുധന്, ചീഫ് അസോസിയേറ്റ്- സുഹൈല് എം, കളറിസ്റ്റ്- ലിജു പ്രഭാകര്, സ്റ്റില്സ്-നിദാദ് കെ എന്, ടൈറ്റില് ഡിസൈന്-കിഷോര് ബാബു വയനാട്, പോസ്റ്റര് ഡിസൈനര്-യെല്ലോ ടൂത്ത്, പിആര്ഒ- എ.എസ്. ദിനേശ്.
