ആലപ്പുഴ: അശ്ലീല വീഡിയോ ദൃശ്യങ്ങള് മൊബൈല് ഫോണില് പകര്ത്തി സൂക്ഷിച്ച സിപിഎം ഏരിയാ കമ്മിറ്റി അംഗത്തിനെതിരെ പാര്ട്ടി കമ്മീഷന് അന്വേഷണം തുടങ്ങി. ആലപ്പുഴ സൗത്ത് ഏരിയാ കമ്മിറ്റി അംഗത്തിനെതിരേ ആണ് പാര്ട്ടി തല അന്വേഷണം. സംസ്ഥാന കമ്മിറ്റിയുടെ നിര്ദേശപ്രകാരം ജില്ലാ സെക്രട്ടറിയേറ്റംഗങ്ങളായ എ.മഹീന്ദ്രന്, ജി.രാജമ്മ എന്നിവരുടെ നേതൃത്വത്തിലാണ് അന്വേഷണം.
ദിവസങ്ങള്ക്ക് മുന്പ് കുളിച്ചുകൊണ്ടിരുന്ന പെണ്കുട്ടിയെ കടന്നുപിടിക്കാന് ശ്രമിച്ചതിനെ തുടര്ന്ന് ഈ ഏരിയാ കമ്മിറ്റി അംഗത്തിന് നാട്ടുകാരുടെ മര്ദനമേറ്റിരുന്നു. അതിനിടയില് മൊബൈല് ഫോണ് തെറിച്ചുപോയി. പെണ്കുട്ടിയുടെ ചിത്രം പകര്ത്തിയോ എന്നറിയാന് പിടികൂടിയവര് ഫോണ് പരിശോധിച്ചപ്പോഴാണ് അശ്ലീല വീഡിയോകള് കണ്ടത്. 34ഓളം സ്ത്രീകളുടെ വീഡിയോകള് ഇതിലുണ്ടായിരുന്നതായി പിടികൂടിയവര് പറഞ്ഞു. പൊലീസില് പരാതി നല്കാതെ സിപിഎമ്മിലെ ഒരു വിഭാഗം സംസ്ഥാന സെക്രട്ടറിയേറ്റംഗം സജി ചെറിയാനെ വിവരം ധരിപ്പിച്ചു. അദ്ദേഹം സംസ്ഥാന നേതൃത്വത്തെ അറിയിച്ചു.
ഏരിയാ കമ്മിറ്റി അംഗത്തിന്റെ ലൈംഗിക പരാക്രമത്തിനെതിരെ നേരത്തെ ബ്രാഞ്ച്, ലോക്കല് സമ്മേളനങ്ങളില് വിമര്ശനമുയര്ന്നെങ്കിലും അതെല്ലാം മറികടന്നാണ് ഏരിയാ കമ്മിറ്റിയിലെത്തിയതെന്നും ആരോപണമുണ്ട്.
