ഒരു ഗ്രാമത്തെ ഞെട്ടിച്ച കൊലപാതക പരമ്പരകളുടെ പിന്നാമ്പുറ കഥകള് പറയുന്ന ചിത്രമാണ് ഐപിസി 302. ഹാഫ്മൂണ് സിനിമാസിന്റെ ബാനറില് ഷാജു റാവുത്തര് കഥ എഴുതി സംവിധാനം ചെയ്യുന്ന ഈ ചിത്രത്തിന്റെ ചിത്രീകരണം തെങ്കാശിയിലും പരിസരങ്ങളിലുമായി പൂര്ത്തിയായി. സിനിമ ഉടന് തീയേറ്ററിലെത്തും.
ആക്ഷന് പ്രാധാന്യമുള്ള ഒരു കുറ്റാന്വേഷണ ചിത്രമാണിത്. ഒരു ഗ്രാമത്തില് നിന്ന്, ഒരു ദിവസം ഒരു ഡോക്ടര്, വക്കീല്, അക്ബാരി എന്നിവര് കൊല്ലപ്പെടുന്നു. പ്രധാനികളായിരുന്നതുകൊണ്ടാവാം, ഈ കൊലപാതകങ്ങള് ഗ്രാമത്തില് കോളിളക്കം സൃഷ്ടിച്ചു. ഡിവൈഎസ്പി ഡേവിഡ് സാമുവേലിന്റെ നേതൃത്വത്തില് കേസിന്റെ അന്വേഷണം തുടങ്ങി. തുടക്കത്തില് തന്നെ വലിയ പ്രതിസന്ധികളാണ് ഡേവിഡ് സാമുവേലിന് നേരിടേണ്ടി വന്നത്. അതിനെയെല്ലാം തരണം ചെയ്ത്, കൃത്യമായ അന്വേഷണവുമായി ഡേവിഡ് സാമുവേല് മുന്നോട്ട് കുതിച്ചു.
തിരക്കഥ, സംഭാഷണം -ജെ.സത്യന്, ക്യാമറ- ഐ.ഷെഫീക്ക്, എഡിറ്റിംഗ-് റെയാന് ടൈറ്റസ്, ഗാനങ്ങള് – അനീഷ് പൂയപ്പള്ളി, സംഗീതം – ശ്രീരാജ്, ആലാപനം – അരിസ്റ്റോ സുരേഷ്, ശിവകുമാര്, പിആര്ഒ- അയ്മനം സാജന്, വിതരണം -എഫ്.എന് എന്റെര്ടൈമെന്റ്.
അരിസ്റ്റോ സുരേഷ്, കെ.വി.ശങ്കര്, രമേശ് വിളപ്പില്ശാല, ഷാജു റാവുത്തര്, മഹേഷ്, രാജേഷ് ഭാഗ്യരാജ്, സന്തോഷ് കൊല്ലം, ക്യാപ്റ്റന് ഗിരീഷ്,ദീപിന്, സുധീന്ദ്ര കുമാര്, ജെ.സത്യന്, ശിവജി, റെയാന്, ഷഹീര്, ഉല്ലാസ്, ഡോ.സതീഷ്, സുജിത്ത്കരിപ്ര,ശ്യാം ,ശ്രീഹരി, അജ്മി ,കനകലത, ബീന രാജേഷ്,ശ്യാമിലി ഗിരീഷ്, മാസ്റ്റര് മിഷാല് എന്നിവര് അഭിനയിക്കുന്നു.
