മക്കള് ശെല്വി വരലക്ഷ്മി ശരത് കുമാര്, ഇനിയ, ദിവ്യ പിള്ള, എന്നീ തമിഴിലേയും, മലയാളത്തിലേയും നായികമാരുമായി കളേഴ്സ് എന്ന തമിഴ് ചിത്രം ഡിസംബര് മാസം തിയേറ്ററിലെത്തുന്നു. ലൈം ലൈറ്റ് പിക്ച്ചേഴ്സിനു വേണ്ടി അജി ഇടിക്കുള നിര്മ്മിക്കുന്ന കളേഴ്സ് നിസാര് ആണ് സംവിധാനം ചെയ്യുന്നത്.
വര്ത്തമാന കാലത്തിലെ യുവത്വത്തിന്റെ ആഘോഷമാണ് കളേഴ്സ്. സര്വ്വതും വെട്ടിപ്പിടിക്കണമെന്ന ആഗ്രഹം ഒരു വശത്ത് . ഒന്നും കെട്ടിപ്പൊതിഞ്ഞു വയ്ക്കേണ്ടതല്ലെന്നും, മരിക്കുന്ന കാലത്തോളം അടിച്ചു പൊളിച്ചു ജീവിക്കണമെന്നും, അതിനായ് എന്തും നഷ്ടപ്പെടുത്തുകയൊ വില്ക്കുകയോ ചെയ്യാം എന്ന കാഴ്ചപ്പാടുള്ള ഒരു പറ്റം ആളുകള്. അതിനിടയിലും കൂടുംബം എന്ന സത്യസന്ധമായ കാഴ്ചപ്പാട് വച്ചുപുലര്ത്തുന്ന ചിലരുണ്ട്. ചിലപ്പോഴൊക്കെ അവരെ നാം പഴഞ്ചനെന്ന് വിളിച്ച് മാറ്റി നിര്ത്തുന്നു. ഈ രണ്ട് ചിന്താഗതികളും തമ്മിലുള്ള പോരാട്ടം കൂടിയാണ് കളേഴ്സ്.
ചെന്നെയിലെ തിരക്കുള്ള നഗരത്തിലെ അപ്പാര്ട്ട്മെന്റിലാണ് രാഹുലിന്റെ താമസം. ഭാര്യ, ഒരു മകള്. ഭാര്യയ്ക്കും മകള്ക്കും വേണ്ടിയാണ് അവന്റെ ജീവിതം. പക്ഷെ സ്വന്തം ജോലിയെന്തെന്ന് ഭാര്യയോട് ഒരിക്കലും പറയാന് അയാള്ക്ക് കഴിയില്ല. നഗരത്തിലെ അസംതൃപ്ത ജീവിതങ്ങളെ തൃപ്തിപ്പെടുത്തുകയെന്നതാണ് രാഹുലിന്റെ ജോലി. അതെന്താണെന്ന് ഭാര്യ അറിഞ്ഞാല് ആ നിമിഷം അവിടെയൊരു കൂട്ട ആത്മഹത്യ നടക്കും. അങ്ങനെയുള്ള രാഹുലിന്റെ ജീവിതത്തിലേക്ക് ഒരേ സമയം രണ്ട് സ്ത്രീകള് അവകാശവുമായ് കടന്നുവരുന്നു . കൊമേന്തയും, സരയൂവും. ഇരുവര്ക്കും രാഹുലിനെ വേണം. ഇത് രാഹുലിന്റെ ജീവിതത്തില് സൃഷ്ടിക്കുന്ന പൊല്ലാപ്പുകളാണ് ചിത്രം പറയുന്നത്.
തിരക്കഥ- പ്രസാദ് പാറപ്പുറം, ക്യാമറ – സജന് കളത്തില്, ഗാനരചന- വൈര ഭാരതി, സംഗീതം -എസ്.പി. വെങ്കിടേഷ്, ആലാപനം- ശ്വേതാമോഹന്, അഫ്സല്, ശ്രീകാന്ത്, ദീപിക, എഡിറ്റര്- വിശാല്. പിആര്ഒ- അയ്മനം സാജന്
